منتديات مروى نت - منتدى اقلام للشعر والقصة والرواية http://www.merowe.net/forum/ حيث تلتقي ينابيع الاشعار مع هتون الروايات والقصص وجداول الفنون ar Thu, 09 Sep 2010 13:34:17 GMT vBulletin 60 http://www.merowe.net/forum/ma3/misc/rss.jpg منتديات مروى نت - منتدى اقلام للشعر والقصة والرواية http://www.merowe.net/forum/ سوقني معاك ياحمام http://www.merowe.net/forum/showthread.php?t=2286&goto=newpost Thu, 02 Sep 2010 15:29:23 GMT الكلمات .. محمد الحسن سالم حميد .. سوقني معاك يا حمام .. سوقني معاك يالحمام ... ... سوقني محل ما الحبيبة قريبة تراعي الغرام غريبة... الكلمات .. محمد الحسن سالم حميد ..

سوقني معاك يا حمام ..


سوقني معاك يالحمام
... ...
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام

فقارى ولكن غنايا
غنايا بهذا الغمام
بهذا النيل كم تغايا
وتيرابا النرميهو قام
... ...
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام

درب من دم ماب يودي
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام

إذا الإنسان ما لو قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
أخويا وطراوة الخوة إبتسام
... ...
تعالوا نحانن بعضنا
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
... ...
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
... ...
بساطه أحمدي كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
... ...
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام

ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
... ...
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام

حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
... ...
فلاحة العالم تعمر
محبّة مودة ووئام
يقص الايد التدمر
تشمِّر ساعد السلام
... ...
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام:heart: ]]> منتدى اقلام للشعر والقصة والرواية ايناس سكيني http://www.merowe.net/forum/showthread.php?t=2286 قصيدة شعر لي سيد اللبن http://www.merowe.net/forum/showthread.php?t=2232&goto=newpost Fri, 20 Aug 2010 22:25:06 GMT صورة: http://img5.imageshack.us/img5/7779/33jk8c7.gif (http://img5.imageshack.us/my.php?image=33jk8c7.gif) صورة:...


أقدم لكم قصيدة شعر بعنوان سيد اللبن


إنشاء الله ياسيد اللبن ماتنفعك
تاريك تجيهم كل صبــاح والسمحة تلمس أصبعك
إنشاء الله ياسيد اللبن ماتنفعك
الزي دي ياسيد اللبن الناس بتعشم في لقاها
إنت الحظوظ ضربت معاك تقيف كل يوم وتتكلم معاها
لكن كلامها كتير عليك
و كلامك أنت يطير بس
قاصد الرزق والمنفعه
ناسي الجمال والامتثال
ومابتبكي لما تودعك
إنشاء الله ياسيد اللبن ماتنفعك

سيد اللبن حتي الحمار شاف الجمال وقف إحترام!
شافك بدون إحساس تقيف..لو كان أتكلم ..كان قال حرام!
وإحتج قــام دفق اللبن وجدع السرج ومرق اللجام
وطفش عديل ولا حتي فكر يودعك..
والله ياسيد اللبن حاسدك عديل
ودايرك تسيب البيع وأكون أنا ليك بديل
وعلى العليك ياسيد اللبن دمك تقيل
تاخد كمان منها القروش
إنشاء الله قرشاً يبلعك
إنشاء الله يا سيد اللبن ما تنفعك
سيد اللبن خليني يوم أكون لباني
وأكون أنا ليك بديل
وأبيع اللبن وأديك مضاعف مكسبك
علشان أشوف الزول البريدوا وأتوه في سحروا وأغرق في العيون
لانو الزول جميل وسمح شديد وشايل محاسن الكون فنون
وكان أبيت
أنشاء الله يا سيد اللبن ما تنفعك
أنشاء الله يا سيد اللبن ما تنفعك
أنشاء الله يا سيد اللبن ما تنفعك


]]> منتدى اقلام للشعر والقصة والرواية حفيد الاقرع http://www.merowe.net/forum/showthread.php?t=2232 من أشعار/ الشاعــر خـــالــــد الــبــــاشــــــا http://www.merowe.net/forum/showthread.php?t=2209&goto=newpost Tue, 17 Aug 2010 11:53:47 GMT عــــنــــدك خــــبـــــر ؟؟!! عــــنـــــدك خـــــبـــــر ..!!!؟ لـلـيـلـي حــبــي انــــا مـافــتــر .. لاجف قلبي من النزيف لا اتهد...
عــــنــــدك خــــبـــــر ؟؟!!



عــــنـــــدك خـــــبـــــر ..!!!؟
لـلـيـلـي حــبــي انــــا مـافــتــر ..
لاجف قلبي من النزيف لا اتهد حيلـي مـن السفـر ..
شايلك حسيس قلبي البدق ..إيقاع حياتي علي وتـر ..
يعزف مع الدم مشتهيك .. زي لهفة الصي للمطـر ..
راجيك تبلي الشوق تجي .. في موسم الغنا والزهر ..
يخضر جفاف دنيانا ريـد تطـرد ضلمتنـا القمـر ..
عــــنـــــدك خــــبـــــر ...!!!!؟
لايــوم أمــوت تبريـنـي ياأجـمـل قــدر ....

****
عنـدك خبـر قلبـي البمـوت بـي شوقـو ليـك ..
يـهــوالــى رغــــــم الـمـسـتـحـيـل
يـهــواك طـــال مـانـبـضـو حــــي ..
وطـــال مابـيـسـقـي أرضــنــا نــيــل
يـهـوالـي زي مــــا الــعــازة ريــــد
مـدلــوق عــلــي قــلــب الـخـلـيـل ..
يـهــواك دروب مـــن شـــوق وشــــوق
مـــزروع عــلــي طــــرف الـبـحــر
ومـسـنـود عــلــي أكــتــاف الـنـخـيـل
مـاقـلـبـي بــــي شــوقــك بــــدأ ..
يــــا مـنـتـهـي الـعـشــق الـنـبـيــل

****
أمــا الخـبـر .. ياحـلـوة لاقـــدر الأســـى
لـلـفـرقــة لاجـــــور الـسـنــيــن ..
تــكـــتـــف إرادة زول دفــــــــن ..
إحـسـاســو فــــي قـلـبــك حـنــيــن
مسـتـنـي نــــور طـيـفــك يــصــل ..
ولــهــفــة عـويـنــاتــك تــبــيـــن
احـكـيـلا كـيــف .. الـدنـيــا صــيــف
وكـيـفــن بــــلاك الــكــون حــزيــن

****
وآخــــــــــر خـــــبـــــر ....
ياحلوة لاتبكي المصيـر .. وقـدر الموالفيـن الفـراق
وقدر المتلنا مشي الهجير .. وسفر الأماني طويل وشاق
يسعدني إنك بت هـواي .. تبينـا مـن شفـع دقـاااق
مغروسة في جوايا ريد .. ومحفورة ساساتك غـراااق
]]> منتدى اقلام للشعر والقصة والرواية الامبراطور http://www.merowe.net/forum/showthread.php?t=2209