المساعد الشخصي الرقمي

مشاهدة النسخة كاملة : ماهو وجه الشبه بين منتدى مروى نت والكتاريق ؟؟؟؟

فصل الربيع
27-07-2009, 03:07 PM
كتريقه مروى نت
اجمل حاجه فيهو بيذكرنى بالكتاريق
بيوت مهجوره ...
رمال تعربد فى الرعيه
طاقه مفتوحه اسفل الجدار
مرق تتاكله الارضه

الاطلال....

والله انا خايف يوم يطلع منو خفاش
ولا نلقى لينا صبره والده هنا...

ههههههه

لكن اصلا ما بخليه
ام صلمبويتى ولاكدكاى زول
فصل الربيع
28-07-2009, 02:59 PM
قالو فى فسحه فاضيه وقدامها جبل
الواحد بيقول اسمه
بيرجع الصدى بالاسم سبعه مرات
الشباب جا معاهم صينى
وقالوا ليهو كورك هنا بصوت عالى وقول اسمك

واحد منهم قال محمووووووود
وجاه الصدى ... محمود ...محمود .....سبعه مرات

الصينى فهم اللعبه
وقال اسمه
ايم شينج تشانج

بعد شويه جا الصدى
.
.
.
.
.
.
.
.
.
.
.
.
.
.


قت شنو؟؟؟؟




ههههههههه
فصل الربيع
30-07-2009, 03:29 PM
امس جا عضو جديد
اول ما دخل قال
السلام عليكم دار قوم شنو كده ماعارف ...
يا اخوانا دى مش بيقولوها الناس فى المقابر
بصراحه العضو شايف انه المنتدى زى الترب
وليهو حق
كلامه صاح ميه الميه
وانا متفق معاهو


مرات الترب بيكشكش فيها كيس
صفحه جريده قديمه
جماعه جايين شايلين جنازه
واحد ولا واحده يجى يشيل ليهو فاتحه
يوزع ليهو رحمتات...
المنتدى صانى صنه...
التقول حيشوت بلنتى

هههههههههه
فصل الربيع
14-08-2009, 08:42 AM
النكته الجايه دى قديمه قدم البليله...
جايه مارقه ومعها غبار
الله يصبركم عليها ...



واحد شاقى الترب
وبيغنى ويدندن...
انا الفى الدنيا مامرتاح
انالفى الدنيا ما مرتاح
.
.
.
طلع ليهو واحد قال ليهو


تبادل؟؟؟

هههههههه
فصل الربيع
13-02-2010, 05:52 PM
تذكره الباص كانت 10 قروش , واحد ادى الكمسارى طراده (25 قرش) .. واحد تانى اداه جنيه ..
بعد فتره الكمسارى اتلخبت ورجع الباقى للاول 90 قرش ... صاحبنا استلمها طوالى
الكمسارى عرف انه غلط فرجع ليهو وساله : انت اديتني كم ؟؟؟ قالليهو اديتك طراده
طيب لما رجعت ليك 90قرش شلتها ليه ؟؟؟
قالليهو: انا عارف ليك باصكم ده بى كم ؟؟؟؟


هههههههه
مصطفى مروي
14-02-2010, 09:43 PM
الاخ فضل الربيع قول بسم الله الرحمن الرحيم وتعال نبدا
انسى زمان ورحب بالجديد واعطينا جديدك وانت كنت وين
فصل الربيع
06-02-2011, 08:11 PM
مصطفى مشكور على كلامك الطيب .... وترحيبنا بكل الاعضاء الجدد وفى انتظارالمشاركات....