المساعد الشخصي الرقمي

مشاهدة النسخة كاملة : مع اني بعد صلاح جاهين والمعلم الفاجومي ختيت نقطة وسطر جديد : طلع علي سلامة

Random
16-07-2009, 05:25 PM
الشاعر علي سلامة من مواليد 1960 من حي السيدة زينب
تخرج في كليه الهندسة يعمل مهندس بترول
تأثر في شعره بـ صلاح جاهين وبديع خيري وبيرم التونسي
أول اغنياته قلبك الشاطر غناء محمد منير ألحان المتميز وجيه عزيز عام 1998
شارك علي سلامة المغني والملحن وجيه عزيز في اكثر من 25 أغنية
علي سلامة شاعرا يجمع ما بين البساطة والعمق
--------------------------------------------------

http://profile.ak.fbcdn.net/object3/144/20/n98844857532_3670.jpg

سهلُ ُ ممتنع ومتجدد

ثلاث كلمات ربما تختصر صفات كثيرة جدا للشاعر علي سلامة
هو لا يدعي أنه من شعراء المعلقات أو أنه من افضل شعراء العصر الحديث
هو فقط يدعي انه مواطن شاعر
شاعرا بالابيات وشاعرا بأحاسيس وأيام المصري
احيانا يظهر الاكتئاب والحزن
واحيانا يظهر التفاؤل والامل
كل الأمزجة التي تأتي إلي المواطن تأتي إلي علي سلامة
تقرأها تحسها تحبها
احياناً تتفق معه واحياناً تختلف علي ما يقوله في ابياته
ولكنك تحب الابيات وتحب الشاعر

كلمات مني الشاذلي عن الشاعر الرائع علي سلامة
Random
16-07-2009, 05:27 PM
nh6E6_FQVaE



على حد علمى احنا و اسرائيل حبايب
و فيه سلام و ما فيش حرب
طب الضباط و العساكر ديل بيعملوا ايه
في ميدان طلعت حرب
ده بنت و ولد نازلين يشوفوا بلوزة تليق ع الايشارب
بيحلموا .. بيغنوا و احلي ما فـ غناهم انه طالع من القلب
من امتي العشق كان بيموت من الخوف؟؟
و من امتي الحلم كان بيخاف من الضرب؟؟
يا كابتن يا باشا خليك ابن بلد
هو انت ما عندكش اخوات؟؟
صبيان و لابنات يعني انتوا كل عيلتكم ضباط؟
يعني انتوا اصحاب اكاديمية الشرطة؟
و اصحاب الشوارع و الميادين و المحلات؟
و اصحاب البلد ؟
طيب
طب انا ح اخرم من التحرير لدار القضاء العالي
اكل كشري و اخش السينما
مالك بقي و مالي
معايا بطاقة و خلصت الجيش
بتسمي ده أكل عيش؟؟

يبقي عرفتك
طيب عريني بقي فتشني
وقطع لي هدومي وافحصني
و خلصني
لا انت اول و لا اخر واحد

عارف ؟؟
انا مرة القطر عدي و داسني
و ما مُتش

عشق الحياة ماهوش ترف
عرفت ايه معني الشرف
جاتك القرف
جاتك القرف
Random
16-07-2009, 05:29 PM
tsxClm1L4HI


بوابة تفتيش


بوابة تفتيش على بابك
كل ما أحاول اعدى تزمر
وبتشرط وبتأمر
أرجع أدور تانى وأدور
وكل ما اعدى برضه تزمر
طب آدى الساعة
وآدى حزامي
وآدى بطاقتي
والنضارة
وآدى عنواني
وكل حكايتي
وآدى آمارة
حتى الفكة الباقية ف جيبي
والأشعار
والمحفظة مافيهاش غير صورتك
ليل ونهار
كل هدومى
زى ما نازل من بطن أمى
من غير حتى ورقة توت
وكل ما أفوت
البوابة برضك بتزمر
ولما لمحنى
واحد طيب من الحراس
وقال لى أسمعنى يابن الناس


إرمى الحتة الحلوة الـ في قلبك

و عدّي


والبوابة عمرها ماتزمر
Random
20-07-2009, 03:19 AM
مصر والكاميرون


بقول لهم مين اللى بيعيط بحرقة ده؟
قالوا لى مواطن أتصور وهو بينضرب


قلت لهم ومين الأمور اللى بيضحك ده؟
قالوا لى ده واحد عمل شوية كوارس وهرب


قلت لهم والدنيا عتمة هناك ليه؟
قالوا لى دى حتة جديدة بتتخرب


قلت لهم ومين الحاوى اللى بيتكلم ده؟
قالوا لى ده الوضع بيتقلب



وإيه الهيصة اللى فى الساحل الشمالى دى؟
قالوا دى البقرة بتتحلب



قلت لهم وأنتوا قلقانين كده ليه؟
قالوا لى أصل بنلاعب الكاميرون وخايفين نتغلب
Random
20-07-2009, 03:23 AM
:loll:

vh8qFVFnfVw

علي باب سفارة كندا

علي باب سفارة كندا قابلت ابليس
وفي ايده استمارة
قلت له علي فين؟؟
قالي بص يا هجرة يا إعارة
يا عم خلاص زهجت كفرت
ألاقيش معاك سيجارة؟؟
أنا انتهيت خلاص
لا عاد نافع وسواس
ولا خناس
ولا عاد ليه عيش بين الناس
دي عالم مجرمين
عندكو فائض فساد في كل البلاد
مش محتاجين شياطين
مليش عيش في البلد ده
بقينا عاطلين
وانتو بتعرفوا تقلبوا الحق باطل
تسكتوا عن القاتل
وتمشوا في جنازة المقتول ومفيش مشاكل
يا عم ده أنا بقيت أوسوس بالمقلوب
بقيت أقول للحرامي توب
أنت لوحدك هتعمل كل الذنوب؟؟؟

انا ابليس اشتغل واعظ ؟؟؟
كمساري في اتوبيس ؟؟؟

يا عم من زمان بستنى حد ينسى
يسمّي وهو بياكل لقمته
دلوقتي اكلكم ملوث
وبصراحة الواحد خايف علي صحته
ده مفيش ضمير اساساً علشان اموته
كل واحد بمزاجه خربانة ذمّته
يا عم ده كل حاجة اتسرقت
والاجيال الجاية من الحرامية اتظلمت
يا راجل ده من كتر ما لطّشت معايا
طلعت في مظاهرة مع الناس
اللي بتقول كفاية
وبرضه مفيش فايدة