@@@ الـعـــــــ ( بيــوت ) ـــــــزاء @@@

[خالد مقاشي]

السلام عليكم يا جماعه

نمتاز نحن السودانيين عامه وأهلي الشايقيه خاصه بالوقوف جنبا إلى جنب عند المحن و الشدائد ،

فيهب الجميع إلى بيوت العزاء لتقديم واجب العزاء لأهل الفقيد ،

ويقوم أهل الفقيد بتقديم واجبات الضيافه للسادة المعزين ،

ولمؤازره أهل الفقيد يجلس المعزين فى أريحية وبساطة فى بيوت العزاء مترحمين على الفقيد ويقرأون الفاتحة على روحه ،

ويتخلل كل ذلك الونسات العادية وغالبا ما تكون الونسات حول السياسة أو الكورة أو آخر الأنباء المستحدثة أو ونسات عادية عامة ،

وزمان كان بيت البكاء يمتد إلى سبع أيام لغاية ما ناس السفر يصلوا

أها تعالو كدي ورونا النسوان بيعملن شنو ؟!!!!!

[ام مزن]

اولا نوريكم بكاء البلد اول مايجى الصايح كلهن يمرقن على الشارع ااااجنا المات منو طبعا مابيقولن الماتت منى ---وبعد ما عرفن الميت منو كلو واحده جرت توبه وجرى على بيت البكاء ---وطبعا بعد ده البكاء على حسب الزول الميت كان صغير بكاهو حاااار وكان كبير على حسب بناتو كان بكايات ببكنو حار وبعد ده كلو واحده ترجع بيتا وتسوى الاكل عشان تجيبو راجع بيت البكاء وكمان تسوى عمود الرجال --وهادى مساسقه من بيتا ولى بيت البكاء وطبعا فى واحدات بعصرن الفراش على حسب قرابتم بالميت او اصحاب الاسره او الجيران ---ويوم التالته هو يوم الرفع وطبعا الونسات وتلقاهن فى عز ونستن تجى واحده دايرى تبكى يبكن معاها والبكاء فى البلد عندو شنا ورنا والزول بيلقى اهلو جنبو بخففو عليهو وناس البلد بى طبعهم حنييينييين وانشاءالله ماتفقدو عزيز لا فى البلد ولا فى محل قاعدين اما البكاء حق الخرتوم اسكتو ساكت خلو كدى لى باكر اجيكم راجعى

[ام مزن]

:tears::tears:اولا نوريكم بكاء البلد اول مايجى الصايح كلهن يمرقن على الشارع ااااجنا المات منو طبعا مابيقولن الماتت منى ---وبعد ما عرفن الميت منو كلو واحده جرت توبه وجرى على بيت البكاء ---وطبعا بعد ده البكاء على حسب الزول الميت كان صغير بكاهو حاااار وكان كبير على حسب بناتو كان بكايات ببكنو حار وبعد ده كلو واحده ترجع بيتا وتسوى الاكل عشان تجيبو راجع بيت البكاء وكمان تسوى عمود الرجال --وهادى مساسقه من بيتا ولى بيت البكاء وطبعا فى واحدات بعصرن الفراش على حسب قرابتم بالميت او اصحاب الاسره او الجيران ---ويوم التالته هو يوم الرفع وطبعا الونسات وتلقاهن فى عز ونستن تجى واحده دايرى تبكى يبكن معاها والبكاء فى البلد عندو شنا ورنا والزول بيلقى اهلو جنبو بخففو عليهو وناس البلد بى طبعهم حنييينييين وانشاءالله ماتفقدو عزيز لا فى البلد ولا فى محل قاعدين اما البكاء حق الخرتوم اسكتو ساكت خلو كدى لى باكر اجيكم راجعى:tears::tears::tears:

[مصطفى مروي]

ام مزن البكا ء كان زمان الزمن الفقيد فقدوه اهلوا والحريم بقوا مكياج وتعالوا نمشى بيت البكاء وشوية ُُُeeee

[ود الحرازي]

سلام أخونا خالد
حقيقة موضوعك فريد ويلامس عدة جوانب ....
جانب ايجابي اجتماعي تكافلي وهو بالطبع اسلامي مطلوب في مثل هذه المواقف واعتقد أن هذه متحققة فيها الغاية والمقصد بحمد الله ....
وجانب سلبي حين يشتد فيه النواح والعويل ولطم الخدود وشق الجيوب و ( اهالة التراب على الرأس ) - كانت موجودة لعهد قريب - وهو منافي لما هو مطلوب من الالتزام بجانب الشرع وعدم البكاء على الميت وهي ايضا من العادات الجاهلية التي لم يقرها الإسلام ... وإن كانت قد تراجعت الكثير من المظاهر السالبة ولكن لا يزال موجود منها بقية والتي نتمنى أن تزول أيضاً لنظل نتمسك بالحديث الصحيح المشهور للتعبير في مثل هذه المواقف :
إن القلب ليحزن ... وإن العين لتدمع ... ولا نقول إلا ما يرضي الله ... وإنا لفراقك يا ............. لمحزونون !!!!
مودتي ،،،