المساعد الشخصي الرقمي

مشاهدة النسخة كاملة : عشان تعرف ترانا احنا معاك فى المره والحلوه ......... و مجموعه نكت معتقه

فصل الربيع
17-05-2009, 12:40 PM
قبل اصدار قوانين سبتمبر83 بكم شهر طلع قرار لاصحاب البارات فى السودان انو يغيرو النشاط التجارى , فيهم بارات حولو نشاطهم وبارات قفلوا المهم فى الفتره دى حدثت طرائف كتيره

واحد غير النشاط بتاع البار وحولو لى حلوانى
بعد كم يوم دخل زبون قديم وقعد
شاف صوانى داخله وصوانى مارقه
وشكل البار اتغيروفى بترينات كتيره
والشغلانه ما ياها...
سال صاحب البار ....
ده شنو ده يا سيد البتعمل فيهو ده ؟؟؟
قالليهو انت قاعد وين ما سمعت بالحاصل شنو؟؟؟
وحكى ليهو ...
الزبون قالليهو مادام كده
طيب ادينا نص باسطه
عشان تعرف ترانا معاك فى المره والحلوه
هههههههههههه
فصل الربيع
18-05-2009, 01:36 AM
فى نفس الايام ديك.....
صاحب بار استبدل النشاط بتاعه لمغلق مواد بناء
وجاهو زبون قديم
واستغرب من شكل المحل والتغيير
وقف دقيقه واتلفت .....

بعد شويه سال صاحب المغلق
البار حقك وينو !!!!؟؟؟
فشرح ليهو الموضوع...
الزبون قالليهو
وكتين كدى ..عليك الله ادينا علبه بوهيه بااااااااااارده
ههههههههه
فصل الربيع
20-05-2009, 08:57 AM
برضو فى نفس الايامات ديلك ....سنه 83
واحد من اباطره (من امبراطور) مدنى
لاقاهو عسكرى وقالليهو
خللى بالك بعد شهر الحكومه حتمنع البارات والشراب
الامبراطور استغرب جدا وقالليهو

ليييييييييه ؟؟؟ ابوالزهور ده جنا ولا شنو؟؟؟؟؟
هههههههههه





ابوالزهور = الرئيس اسماعيل الازهرى
merowe
09-07-2009, 10:56 PM
مشكور كتير يا دكتور على البوست الطريف وياريت تواصل :):)
فصل الربيع
10-07-2009, 01:16 PM
حمدالله بالسلامه ...
مواصلين ماتشيل هم...

النكته بتاعت كتره فعايلكن ... عارفها ؟؟
لوما عارفها النكته دى ليك ...

واحد مشى الاندايه ..
لقى ستات العرقى قاعدات بره البيت ..
والبيت ضارباهو صاقعه ...
البيت ماصتو المطره ...
قالليهن
كتره فعايلكن
ده كله من كتره فعايلكن


تسون فى المريسى رقيقىى
هههههههههه
فصل الربيع
10-07-2009, 01:20 PM
لو عارف النكته الفاتت ...
هاك دى تعويض ...


واحد بعد ماشال العرقى من الاندايه
مادفع القروش
ست العرقى قالت له
شكيت على الله

جاراجع تانى
قالليها
تقوليلو فى شنو؟؟
فى عرقى؟؟

والله يخليك متل الواطه دى

ههههههه
فصل الربيع
10-07-2009, 01:29 PM
خميسه ربنا يديها الصحه
دى كانت متخصصه مرايس
جنب ناس اتو فى الديم
مريستها من تمغرب تخلص
بدرى بدرى ...
من شده ماهى سمحه

بعد 83
خلت المريسه وبقت تعمل الكسره
وبتقعد جنب وزاره الماليه
كسرتها زى النايلو
لاخميره لافطيره
حاجه كده براها
الناس انكسرت عندها من الوزارات كلها
فى ناس بتجى تشترى كسرتها
وترجع الشغل تانى قبال ما تكمل

واحد من زباينها القدام قال
والله خميسه دى
ربنا سلطها على العيش ده
وكشفلها سر العيش
محل ماتقبل تجيهو

هههههههه
فصل الربيع
14-08-2009, 08:05 AM
مدرب الفريق سمع انو اللاعبين
بيسكروا ويساهروا فى الحفلات
فى التمرين جاهم واداهم محاضره
السهرده ياشباب اكتر حاجه مضره ...
السهر واللياقه مابيتلاقن
..
تسكروا ...انا ماعندى مشكله فيها
لكن السهر ده عدو الرياضه..
تسكروا تبقوا طينه ...
تسكروا للصباح ...انا ماعندى مشكله ...
لكن اوعكم تساهروا...







ههههههههههه
فصل الربيع
06-02-2011, 07:54 PM
شنو حكايه انو بعد الانفصال..
عاوزين يطبقوا الشريعة؟؟...
والبيحكموا بيها دى باقيلكم تكون شنو؟؟..

شكلهم كده حيمنعوا مويه الزير...

هههههههه