Random
09-05-2009, 05:21 AM
دعا السودان ايطاليا للاستثمار والمساهمة في اقامة مدينة الجلود الصناعية التي تقدر تكلفتها بحوالي (50) مليون دولار.
http://www.wasat.sd/images/stories/473_01.jpg
وقال وزير الدولة بوزارة الصناعة على أحمد عثمان خلال لقائه بخبير الجلود الايطالي سين سيو أمس، إن فرص الاستثمار متاحة لدولة ايطاليا للاستثمار في الصناعات المختلفة؛ وخاصة صناعة الجلود
الخرطوم: أمل حسن : الوسط الاقتصادي (http://www.wasat.sd/index.php?option=com_content&view=article&id=827:2009-05-07-05-53-04&catid=12:2009-03-12-13-03-52&Itemid=22)
فصل الربيع
12-05-2009, 12:50 AM
شكرا راندم على الاخبار ....
قبل كم يوم بتفرج فى برنامج عن الجلودوالمراكيب في القناه السودانيه
قال يجيبو الجلد من الغرب لسوق امدرمان...
يدبغوه وشيلوه مدبوغ للغرب فى الجنينه ولا نيالا والفاشر....
يصنعوا المركوب يجيبوه لسوق امدرمان تانى ...
شفت الكلام ده كيف؟؟
الناس العملو المثل بتاع
سفر البن .... دق وحرق
ما شافوا الجلد ده؟؟؟؟
الايطاليين حبابهم والله ...اهل صناعه الجلود
Random
13-05-2009, 05:36 AM
الناس العملو المثل بتاع
سفر البن .... دق وحرق
ما شافوا الجلد ده؟؟؟؟
:loll::jumb:
فصل الربيع
تحياتي واشواقي
نرحب معك بالايطاليين هم اهل جلد زي ما قلت, لكن برضو نحن اهل الجلد والرأس
عشان كده خريطة بلدهم عاملة زي البوت واحنا خريطة بلدنا عاملة زي النيفة* :jumb:
*لناس الشهادة العربية (ش ع) : النيفة تعني رأس الخروف وفي عبارة اخرى الباسم
merowe
15-05-2009, 11:10 PM
*لناس الشهادة العربية (ش ع) : النيفة تعني رأس الخروف وفي عبارة اخرى الباسم
افيدلك يا راندوم توجه الشرح الفوق ده لناس ش غ :loll:
في المدينة المنورة بقرب الحرم النبوي بجوار جسر الصافية وبالحرة الغربية
يوجد مهرجان سوداني مستمر
الكسرة والقراصة بكافة احجامها والعصائد بكافة انواعها
الحمراء , البيضاء , المرّة , الفطيرة ....
الويكة والويكاب والكول والفسيخ والتركين والقضيم الخدرة
العكاكيز والعنج والمشلعيب دوا كلب دوا كديس والطُباقة والهبابات والمفاريك والمقاشيش...
الشطة الحمراء , القبانيت ...
التمباك العماري الجيد, الناشف, الصعوط الممطر ,العطرون , البرنجي ....
الجردقة , القرض , اللوبا عفن ....
الآبري الابيض , حلومر ,
العراريق القفاطين الجلاليب السراويل الصديري.....
السبح واللالوب والالفية, المخلاية والبرش ....
الحطب , الحنة ....
هو شنو هو المافي؟؟؟:loll::loll:
مع اطيب المنى