ملامـــــــــــــــــــــــــــــــــــــــــة

[اسماعيل الزومة]

ملامة
بسم الله الرحمن الرحيم
هذه القصيدة كتبها الشاعر إبراهيم الزومة على لسان إحدى زوجات المغتربين المهجورات.

الزول ما بيفوت رزقو المقسّم
والزول ما بيلوم خلق الله من جم
رماني ابوي ليهو الله يرحم
شبعت يا أمي انا في الندم
وطول الليل النوم مقسّم
البنات طافن في الحرم
ولبسن التياب والختم
أزورن وارجع زي الأبكم
وبي بشيشي أقوم ماحد يعلم
الحوش من الجهتين مهدّم
والكلاب سارحات والغنم
والباب يدق اقوم أتقدّم
القاهو سيد دين إزداد ألم
وسادتي ثوبي علي ململم
والدمع جاري زي عين زمزم
ياوليدي متين تتعلم
وفوق ضراعك حيلي ينجم
والله أبوك ماهو ود عم
ولينا يوم ياأخوي بنتلم
وحقي باخدو في اليوم الاعظم

وبعد فترة عاد وحاول أصلاح ذات البين وطلب العفو وعدم الملامة فردت قائلة:-
لومي ولومك إن قنّب جلس لو
وألومك لوم النيل ما يغسلو
وإنت الزيك مايستامن أصلو.

[عبدالدائم عبدالعاطي]

الاستاذ ابراهيم الزومة ليس مجرد شاعر وبس ولكنه فلتة من فلتات الدهر لاتكرر ابداً هذا الشخص يمتاز بذكاء خارق وله قدرة فائقة في الوصف وهذه الصفة تكاد تنعدم في شعراء هذا الزمن والوصف (التشبيه) ورصانة الكلمة هي من سمات شعراء الجاهلية. لذلك لم اندهش من تلك الدرر التي اتحفنا بها الاخ اسماعيل الزومة مع خالص شكري وتقديري وياليتك كمان تدينا المزيد من هذا العملاق الذي يتوسط ابنعوف والبركل ولايقل عنهم شموخاً وكمان ياريت يا اسماعيل تخصص لنا مساحة لحكاويه وابداعاته.


تقبل مروري