سليمان القرير
24-04-2008, 03:46 AM
طعم الدروس كلمات الرلئع المبدع حميد وتعتبر من اول القصائد التي كتبها وهو في الثانوي:ـــــــــ
يايمة حان الامتحان من وقتو بس فاضل شهر
وما اظنى من جور الزمان انجح واجيب ليكم نمر
ورينى شن طعم الدروس مادام مكانا مشىسفر
كيف زاتى يانبع الحنان انجح من آلام السهر
عمرك سمعتيلك جبان خاض المعارك وانتصر
زينوبة كل ما افتح كتاب القاكى فى اول سطر
القى الحبايب والصحاب ,,القى الجناين والتمر
كيف زاتو ابوى تلقاهو كان فاتح كتابو مع الفجر
يقرا ويراتل فى كلام ما بيفهمو الناس الكتر
فى الحصه عقلى انا قام سدر يمه المدرس لو فكر
كان يلقا قاعد فوق ككر فى الدونكا لسع ما فطر
يسمع كليمت وا عشاى اغلى الحكم عند الضجر
انا قلبى كلو على جناى وقلب جناى على حجر
والله مش لو كان نهر لو كالنى بى سيطان بقر
مادام عقيل الجن سدر ما اظنو من عندك حضر
الشوق متل شوك الكتر طعن الجسم لامن خدر
والله لو ما منجبر ما كان بفارقك لوشبر
زينوبة كر من حالى كر قاعد لى فوق كيمان جمر
غربه وكمان حالا فقر عذبنى قبل اصل القبر
من شوقى ياما بكيت كتير لامن عيونى بقن حمر
مو قلبى هول طفلا صغير يادوبو ماسك فى الشطر
الغربه اصلو طعيما مر لكنى بقعد بى الجبر
لامن سنين الهم تمر يا ربى الهمنى الصبر
يايمة حان الامتحان من وقتو بس فاضل شهر
وما اظنى من جور الزمان انجح واجيب ليكم نمر
ورينى شن طعم الدروس مادام مكانا مشىسفر
كيف زاتى يانبع الحنان انجح من آلام السهر
عمرك سمعتيلك جبان خاض المعارك وانتصر
زينوبة كل ما افتح كتاب القاكى فى اول سطر
القى الحبايب والصحاب ,,القى الجناين والتمر
كيف زاتو ابوى تلقاهو كان فاتح كتابو مع الفجر
يقرا ويراتل فى كلام ما بيفهمو الناس الكتر
فى الحصه عقلى انا قام سدر يمه المدرس لو فكر
كان يلقا قاعد فوق ككر فى الدونكا لسع ما فطر
يسمع كليمت وا عشاى اغلى الحكم عند الضجر
انا قلبى كلو على جناى وقلب جناى على حجر
والله مش لو كان نهر لو كالنى بى سيطان بقر
مادام عقيل الجن سدر ما اظنو من عندك حضر
الشوق متل شوك الكتر طعن الجسم لامن خدر
والله لو ما منجبر ما كان بفارقك لوشبر
زينوبة كر من حالى كر قاعد لى فوق كيمان جمر
غربه وكمان حالا فقر عذبنى قبل اصل القبر
من شوقى ياما بكيت كتير لامن عيونى بقن حمر
مو قلبى هول طفلا صغير يادوبو ماسك فى الشطر
الغربه اصلو طعيما مر لكنى بقعد بى الجبر
لامن سنين الهم تمر يا ربى الهمنى الصبر