المساعد الشخصي الرقمي

مشاهدة النسخة كاملة : ماهو وجه الشبه بين منتدى مروى نت وبيت العزابه ؟؟؟

فصل الربيع
03-01-2009, 11:14 AM
ماعارف بيذكرنى ببيت التكاسه فى حلتنا زمان
البيعرف الاجابه ما عندو اى جائزه
.
.
.
.
على سيره التكاسه
خالى ..الله يدهو الصحه كان سواق تكسى بالتلت في الخرطوم
بعد الساعه حداشر بالليل في سوق الزنك واحد وقفو قال ليهو
ودينى الحزام الاخضر
خالى عاين ليهو وقال ليهو ياخينا الدنيا انصاص ليالي
قال ليهو وصلني هسع الحزام الاخضر
خالنا قالليهو ...
طيب ما تختصر الموضوع واقتلنى هنى
اتو
03-01-2009, 01:44 PM
طيب ما تختصر الموضوع واقتلنى هنى

LoooooooooooooL
اقتلني هني:loll::loll::loll:
http://www.blisswavetantra.com/cat_images/06_laugh.jpg
اتو
03-01-2009, 01:52 PM
ماهو وجه الشبه بين منتدى مروى نت وبيت العزابه ؟؟؟
ماعارف بيذكرنى ببيت التكاسه فى حلتنا زمان
البيعرف الاجابه ما عندو اى جائزه



مافي اي وجه شبه بين المنتدى وبين بيت العزابة يا استاذ :iconjump:, عليك الله بيت العزابة فيهو حدائق وزهور وورود :o:o
فصل الربيع
03-01-2009, 02:06 PM
اتو ما تقعد تجامل ساكت ... مافى وجه شبه كيفن عاد؟؟ هههه
شاشتك في شاشتي كدى ...... على وزن عينك في عيني

------
اسمع دي قديمه برضو

حرامى نط ليهو في بيت عزابه
اول ما نط من الحيطه شاف ليك عشرين واحد
قاعدين بالفنايل الكط
ولابسين انكسه وترنقات الكورة الملونه ديك
اتخلع خلعه جد ...وقالليهم



انا تلبت لي فى طابونه ولا شنو؟؟؟


.
.
هسع عليك الله انا سجلت في طابونه ولا منتدى.. ههه
اتو
03-01-2009, 02:20 PM
اتو ما تقعد تجامل ساكت ... مافى وجه شبه كيفن عاد؟؟
شاشتك في شاشتي كدى ...... على وزن عينك في عيني
انا تلبت لي فى طابونه ولا شنو؟؟؟


بصراحة وبدون مجاملات يا استاذ الموقع ده مبدع وجذاب :loveIt:لكن للأسف الناس ما اكتشفوه حتى الآن :read:ممكن تشبهه باللآلئ الموجودة في المحار والبحار:D:D
حزن السنين
03-01-2009, 05:58 PM
انا شخصيا بيني وبين الحسس ما بين حماس واسرائيل

كدا احسن ......... بعد كام يوم نسمع اااااااااااخ ادوني شاكوش
فصل الربيع
05-01-2009, 03:40 AM
اخوانى الاتو وحزن السنين ... غايتو لولا اختلاف الاذواق ساكت ... لكن بالشايفو ده ....


دي ليكم الاتنين

زمان تكاسى ساق ليهو واحده واظنها جلده شويه
من السكه حديد الخرطوم لغايه الحله
وهي متفقه معاه على 20 قرش
لما وصلها ...ادته طراده ....25 قرش صم
وقالت ليهو جيب الباقى
فتش ما عندو شلن ... وهى قلبت محفظتها ما لقت فكه
قالت ليهو وقتين كدى
.
.
.


ادنا بالباقى بورى ..
فصل الربيع
11-01-2009, 05:32 AM
تكاسى ركب معاه اتنين مشوار وهم راكبين وراه
لما جات قاعه الصداقه واحد منهم سال التانى العماره ده بيكون اتعمل بكم؟؟؟
التانى قال ليهويمكن تلاتين جنيه يجيب ....
مروا فى كبرى امدرمان ... واحد قال شوف الحديد ده كتير كيف ؟؟؟ ده بيكون بكم؟؟؟
التانى قال ليهو يمكن اربعين ولا خمسين جنيه يجيب ....
بعد عدوا الكبرى سواق التاكسى وقف واتلفت عليهم سالهم
.
.





انتو حتدونى كم؟؟؟؟ ههههه
فصل الربيع
15-01-2009, 09:57 AM
بعد موقف الطراحة فى الشهداء كان فى حفره في الشارع
السواق بعد ما يملا الركاب
يسوق التكسى ويقع بيهو فى الحفره ويواصل
كلهم بيعملو كده
سالت واحد قلت ليهو التكاسه ديل كلهم عميانين ولا شنو؟؟؟
قال لى
الكنبه الورا بتتحمل تلاته ركاب وهو بيركب فيها اربعه
وبيكونوا متضايقين وزهجانين وبينقنقو
لما يدخل الحفره ... بتشكنهم ويدوها صنه........ههههههههه
Wadyousif
15-01-2009, 11:36 AM
فصل الربيع تحياتي لك ....

بالرجوع الى عنون البوست : المنتدى عايز شغل كتييييير لانو لا زال في بداياتو

وانشاء الله حا تشوف بيوت الاسر الما خمج وتسمع جوطة الشفع :loll:

بالرجوع للردود الاخيرة : نكاتك ظريفة ولي عودة
فصل الربيع
24-04-2009, 01:20 PM
ما تطول الغيبات يا ود يوسف ... ..
المنتدى فى انتظارك...
فصل الربيع
26-07-2009, 10:22 AM
المنتدى ده قدر ما حاولت القى ليهو شبه مالقيت
المافى شبهو ... الله قبحو

ياربي يكون دار الرياضه ؟؟
قالوا دار الرياضه والاستادات
بيجوها البنات ويحضرن الكوره
ولالا ياقرويه



طيب باقى لى كده ... منتدى كليه المساحه
بقن يشتغلن المساحه .... والحجم



الناس فى العقد ؟؟
احتمال ...... لكن قاعدين يعقدوا ليهم سنه؟؟
الا كان الماذون بيتمتم
هههههههه



الناس فى الترب؟؟
بيدفنوا شنو ديل ؟؟؟
كيبل؟؟


غايتو المنتدى ده البيلقى ليهو شبه
يكون عمل فينا خير
هههههههههه
فصل الربيع
27-07-2009, 08:23 AM
فى بيت التكاسه كان فى شافع جنوبى اسمه دينق
شغال يقش ويرش الحوش من الصباح
يغسل ويكوى الهدوم والملايات
يمشى السوق يجيب الفحم والخدار واللحمه
يغسل العربات بالليل
تلقى التكاسى دى مشروره في الفسحه
ودينق لافى بصفيحته يغسلهن
بالليل يمشى يجيب الفول
والعشا والاشياء

قاعد معاهم فى البيت
لكن العزابه صعبين خلاس
واقعين فيهو ضرب وشلاليت
ونهييير صباح مساء
بسبب وبلاسبب
تلقى الواحد منهم يجى داخل البيت
تاااااااااااااخ يدى ليك دينق كف
ويقول ليهو من اصطبحت بوشك ده
عرفت الليله التكسى مابيورد حاجه
يا نحس ... ياكج

ويجى بعد شويه واحد تانى داخل
طرااااخ يناول ليك دينق شلوت
دينق يقع بعيد
غسيلك ده هو الخلى التكسى بتاعى
ياكل البلوتين والبساتم يازفت

دينق شغال معاهم
ناس الحله كانوا بيسموه
دينق اوشين
وقدر ماحاولو يكلموا العزابه
مافى فايده..
المهم قاعد معاهم عشره سنه
والحال ياهو زاتو الحال
لغايه مافى يوم...
.
.
.
.

نواصل بعد فاصل قصير
فصل الربيع
27-07-2009, 08:29 AM
وقفنا وين؟؟
.
.

ايوه لغايه مافى يوم
واحد من العزابه قالليهم
ياخوانا الود دينق ده
ليهو كم سنه معانا
واحنا نسيئ ليهو ونازيهو
يا اخوانا عليكم الله
نمشى ليهو ونستسمح منه
ونعتذر ليهو
فعلا
الشباب مشو ليهو
وقال ليهو
يادينق يا اخوى
عليك الله تعفى لينا وتسامحنا
ونحن تانى مابتلقى مننا الا السمح
نحن ظلمناك يادينق
وما بنمشى من هنا الا انت رضيان مننا


دينق عاين ليهم كده...
وقال ليهم
يعنى تانى دق مافى ؟؟
حرم يادينق ما نسويها
قالليهم
مادام انتو بقولو معليس
خلاس

انا تانى بووول فى زير ماااااااافى

هههههههههههه
فصل الربيع
27-07-2009, 08:34 AM
البورد بتاعكم ده تقول حوليه
طيب وينا نوبتكم؟؟
وبعدين المداحين البنات اليومين ديل اكتر من الرجال!!

نكته بمناسبه المداح

المداحين دخلوا عند واحد
وهو من راس الحيطه بيكورك للمره
ياوليه عوسى العصيده
ياوليه سوى الملاح
بعد شويه جا عتوت يتنطط قدامهم
وينط فوق الشواويل وينقز


واحد من المداح قال للعتوت
مافضل لك الا تقع فوق رقبتك وتكسرها


هههههههههههه
فصل الربيع
27-07-2009, 02:42 PM
جيران العزابه الليله عندهم عرس
العزابه قاعدين فى الحوش مستنين صينيه غدا كاااربه
السنه الفاتت نفس الجيران رسلوا ليهم صينيه من فوق الحيطه
جمعوا الكراسى جمب حيطه الجيران
وكلهم تاكين الكراسى على الحيطه
الكراسى كلها قاعده على الرجلين الخلفيات وتاكين الكرسى على الحيطه
الساعة واحده
واحده نص جات
اتنين جات
تلاته

فجاه جات كديسه ماشه فوق الحيطه
العزابه كلهم
نزلوا كراسيهم وقالوا


ماااا مافى داعى ياخوانا للتعب ده

ههههههههههههه
فصل الربيع
14-08-2009, 09:14 AM
فوق ...
لغايه ما نجيهو على فضوه....
فصل الربيع
17-08-2009, 01:33 PM
فوق برضو ....
الى حين ميسره....
فصل الربيع
20-09-2009, 11:34 AM
واحد من العزابه
رسلو ليهو من البلد
الاهل عايزين حق العيد والخبيز والكعك
وهو باله انشغل ...
بالليل جاى من دار الرياضه
واحد ساله قالليهو الكوره كيف؟؟؟
قالليهو ياخى مامون الليله
لعب كعك خلاص ..

ههههههههه
فصل الربيع
13-02-2010, 05:50 PM
البوست ده بقى ماعنده اى معنى
ههههه..