خزنـــــــــــــة مـــــــــــــــــروي للمعلومات,,,,,,,,,

[سليمان القرير]

الاخوة الاحباب اعضاء المنتدي الشامخ(مروي نت) لكم التحية والتقدير... وانتم تقفون علي هذا المنتدي الذي وباذن الله وتوفيقه سيكون الاول علي مستوى السودان (وانا اعي ما اقول )
ولعلمي القاطع ان اغلبية اعضاء المنتدي فيما بعد سيكونون من الجيل الحالي ,,الذي من الواضح ولسبب أو لآخر يجهل كثير من تراث المنطقة,,, جاءت الفكرة ان تكون( خزنة مروي نت) مليئة بكثير من المعلومات وده (يتوقف عليكم)...وبما انها خزنة فلا بد ان تكون بمفتاح(يقفل ويفتح)...وبما ان الخزنة خزنتكم ,,المفروض تفتحو وتقفلوا علي كيفكم؟؟؟
مفتاح الخزنة سؤال(يقفل)
مفتاح الخزنة اجابة (تفتح)
بشروط:ـــــــ
الأول : تحري الدقة في الاجابة(للفائدة)......
الثاني: اذا كان السؤال صعب ولم يجيب عليه احد في خلال48 ساعة ,,,يلزم صاحبه الرجوع والاجابة عليه وكتابة سؤال آخر....
الثالث:التاكد من كتابة سؤال بعد الاجابة علي السؤال السابق...
وتكون بهذه الطريقة:
سؤال الخزنة هوـ............................؟؟؟؟
جواب الخزنة هو:ــ..........................
سؤال الخزنة هو:ــ..........................؟؟؟؟
بسم الله نبدأ:

عذابي معاك اني غمامة وانت( كركي) لا محدود

سؤال الخزنة هو:ـــــ ما معني كلمة الكركية؟؟؟؟


مع خالص ودي وحبي واحترامي...

[عاشق البارشا]

تحياتي الأخ سليمان
الكركية هي الشقوق في الأرض والتي تكون في الحوض أو الجدول أو أماكن المياه وعندما تدخل فيها المياه تخرج من مكان تاني .. ودايماً تكون مكان خطير يوجد بها العقارب أو الحيات
أتمنى أن أكون قد وفقت في الإجابة
تقبل مودتي

[سليمان القرير]

تحياتي الأخ سليمان



الكركية هي الشقوق في الأرض والتي تكون في الحوض أو الجدول أو أماكن المياه وعندما تدخل فيها المياه تخرج من مكان تاني .. ودايماً تكون مكان خطير يوجد بها العقارب أو الحيات
أتمنى أن أكون قد وفقت في الإجابة

تقبل مودتي

الاخ عاشق البارشا لك خالص الود والتقدير,,,, ولكن الاجابة ناقصة(راجع الشروط)
المفروض الاجابة تكون علي النحو التالي:
جواب الخزنة هو:.................................
سؤال الخزنة هو:.............................

جواب الخزنة هو:ـ الكركية هي شقوق في الارض والتي تكون في الحوض او الجدول وعندما تخل فيها المياه تحرج من مكان تاني و............(كما أسلفت)
سؤال الخزنة هو:ـ ما المقصود بكلمة (البسديق)؟؟؟؟؟؟؟

[Random]

ولعلمي القاطع ان اغلبية اعضاء المنتدي فيما بعد سيكونون من الجيل الحالي ,,الذي من الواضح ولسبب أو لآخر يجهل كثير من تراث المنطقة


تحياتي
على الرغم من انني لست من الجيل الحالي ولكني والصراحة راحة ما عارفهم
كركي
البسديق
هذه الخزنة ثمينة جداً والى الامام
و مازال
:confused:
البسديق سؤال الخزنة الحائر

[ود الحرازي]

جواب الخزنة هو:ـ الكركية هي شقوق في الارض والتي تكون في الحوض او الجدول وعندما تخل فيها المياه تحرج من مكان تاني و............(كما أسلفت)
سؤال الخزنة هو:ـ ما المقصود بكلمة (البسديق)؟؟؟؟؟؟؟[/quote]

سلام فكرة خزنة مروي سمحي بالحيل .....
والبسديق ده أنا بجيب ليكم خبرو !!!!
سؤال الخزنة هو:ـ ما المقصود بكلمة (البسديق)
جواب الخزنة :
البسديق :
وهو قطعة من القماش يتم تنظيف الصاج ( الدوكي ) بها عقب عواسة كل طرقة من القراصة أو الكسرة ويكون ممسح بقليل من الزيت ... وبكثرة تكرار هذه العملية ينقلب لونه إلى الأسود ولا غنى عنه حتى اليوم في نجاح هذه العملية وإن تغير مسماه .
مودتي ،،،
سؤال الخزنة : ما هو الكركتي ؟

[عاشق البارشا]

جواب الخزنة : الكركتي هو الطمي المتراكم في الجروف عندما ينشف ويتشقق ويصبح طبقات طبقات يسمى كركتي
سؤال الخزنة : ما هي الحيبي

[سليمان القرير]

جواب الخزنة : الكركتي هو الطمي المتراكم في الجروف عندما ينشف ويتشقق ويصبح طبقات طبقات يسمى كركتي


سؤال الخزنة : ما هي الحيبي

جواب الخزنة هو:ـــ الحيبي تراب ناعمة جدا ولونها بني فاتح...
سؤال الخزنة هو:ـــــ ما المقصود بكلمة الكروقة؟؟؟

[سليمان القرير]

جواب الخزنة هو:ـــ الحيبي تراب ناعمة جدا ولونها بني فاتح...
سؤال الخزنة هو:ـــــ ما المقصود بكلمة الكروقة؟؟؟
جواب الخزنة هو:ـــــــ الكروقةهي قعر الجريدة بعد ان تقطع تترك علي التمرة ونستفيد منها في تسلق التمر...
سؤال الخزنة هو:ـــــ ما هي القرقريبة؟؟؟؟

[ود الحرازي]

جواب الخزنة هو:ـــــــ الكروقةهي قعر الجريدة بعد ان تقطع تترك علي التمرة ونستفيد منها في تسلق التمر...
سؤال الخزنة هو:ـــــ ما هي القرقريبة؟؟؟؟
جواب الخزنة : القرقريبة ( السعفة ) : هي قطعة صغيرة مستطيلة الشكل من سعف الدوم تستخدم في عواسة الكسرة ويوزع العجين بواسطتها على أطراف الصاج .
سؤال الخزنة : ما هي المروبنيات وكم عددها ؟

[Random]

ما هي المروبنيات وكم عددها
اعتقد ان لها علاقة بالساقية ...وان لم يكن كذلك ..يبدو ان البورد عجز عن الاجابة فياريت لو تورينا الاجابة :confused:

[ود الحرازي]

سؤال الخزنة : ما هي المروبنيات وكم عددها ؟

اعتقد ان لها علاقة بالساقية ...وان لم يكن كذلك ..يبدو ان البورد عجز عن الاجابة فياريت لو تورينا الاجابة :confused:
جواب الخزنة : المروبنيات هي أعواد خشبية ثلاثة مربوطة من أعلى ويعلق وسطها ( السعن ) لتتم عبره عملية ( خش اللبن ) وهي بمثابة ( السيبية ) التي تنصب عليها الكاميرا للتصوير .
سؤال الخزنة : ما هو الأرنيق

[سراى الليل]

سؤال الخزنة : ما هو الأرنيق[/quote]
الاجابه هى امينة توضع عمودية فى سنتر الغرفه وتثبت المرق

[سراى الليل]

سوال الخزنة ماهو (البشنتيق)

[Random]

سوال الخزنة ماهو (البشنتيق)


سراي الليل
تحياتي

البشنتيق : معناها البرش القديم
وكتبتها في جوجل , طلع منه غبار وكتاحة , موقع واحد كان فيه المعنى واعتقد انه صحيح
http://www.merowe.net/forum/images/icons/icon2.gif
واترك المجال لك لاضافة كلمة اخرى

[سراى الليل]

سراي الليل
تحياتي

البشنتيق : معناها البرش القديم
وكتبتها في جوجل , طلع منه غبار وكتاحة , موقع واحد كان فيه المعنى واعتقد انه صحيح
http://www.merowe.net/forum/images/icons/icon2.gif
واترك المجال لك لاضافة كلمة اخرى
شكرا الاخ RANDOM
فتشنا صاحب خزنة مروى سليمان القرير تبنى لبنى وما لقيناهو
سوال الخزنة (تبنى لبنى )

[القروي]

سؤال الخزنة : ما معنى تبني لبني ؟
جواب الخزنة هو: أي فتشت عليهو في ( أي مكان ) ومو معروف هو وين مهكور
سؤال الخزنة : ماهو( ضَرَا الـدَّنّـَاع )

[سراى الليل]

سؤال الخزنة : ما معنى تبني لبني ؟
جواب الخزنة هو: أي فتشت عليهو في ( أي مكان ) ومو معروف هو وين مهكور
سؤال الخزنة : ماهو( ضَرَا الـدَّنّـَاع )

القروى لك تحياتى
الاجابة غير صحيحه مازال السوال معلق مزيد من البحث

[القروي]

القروى لك تحياتى
الاجابة غير صحيحه مازال السوال معلق مزيد من البحث


بما أن الإجابه خاطئه وقد أقررتُ ...
ود نفيسه يقول : اذا كان السؤال صعب ولم يجيب عليه احد خلال48 ساعة ,أو كانت الإجابه خاطئه , يلزم صاحب السؤال الرجوع والاجابه عليه وكتابة سؤال آخر....




لو تكرمت سراي الليل...في إنتظارك

الإجابه...... والسؤال الثاني......

[سراى الليل]

بما أن الإجابه خاطئه وقد أقررتُ ...
ود نفيسه يقول : اذا كان السؤال صعب ولم يجيب عليه احد خلال48 ساعة ,أو كانت الإجابه خاطئه , يلزم صاحب السؤال الرجوع والاجابه عليه وكتابة سؤال آخر....




لو تكرمت سراي الليل...في إنتظارك

الإجابه...... والسؤال الثاني......



الاجابة على السوال تبنى لبنى ( يعنى بين ساق القصبة واللحاء الخارجى للقصبة)

[سراى الليل]

سؤال الخزنة : ماهو( ضَرَا الـدَّنّـَاع )
السوال بواسطة اخونا القروى

[فصل الربيع]

سلام سراي الليل

تبني لبني
يعنى بين ساق القصبة واللحاء الخارجى للقصبة

معليش ما قدرت اربط بين المعني وبين المقولة فتشناه تبني لبني يعني استحالة الشئ

سلام القروي
ضَرَا الـدَّنّـَاع

دخلوها في جملة:rolleyes::D

[سليمان القرير]

جواب الخزنة هو:


سؤال الخزنة هو:
يقولك الزول ده (مكوفر)أو(متكوفر)
ما المقصود بهذه الكلمة؟؟؟؟(كوفر)

[Random]

هذا البوست يعتبر من اجمل واميز البوستات ولا يستحق ان يذهب ادارج الرياح :pc::pc:

[Wadyousif]

جواب الخزنة هو:


سؤال الخزنة هو:
يقولك الزول ده (مكوفر)أو(متكوفر)
ما المقصود بهذه الكلمة؟؟؟؟(كوفر)

يا جماعة انا زول جزيرة (اهل العوض وكده:loll: ) ...
غايتو يا ناس مروي عندكم كلمات كده ما عرفتها ....
المكوفر دي سمعتها قبل كده و هو الزول الجعان شديد ...
السؤال : ما معنى (الضحوة كربت ) ؟؟

[فصل الربيع]

المكوفر والضحوه كربت
مازالت فى حيره!!

[مصطفى مروي]

بسم الله الرحمن الرحيم
الاخوه والاخوات والزوار لقد انتقلنا الى موقع التراثيات خزانة مــــــــــــــــــــروى للمعلومات
السوال الاول / ما اسم مروى القديم
السوال الثانى / مامعنى الدوكه/ القربه/ القادوس

مع اغلى الامنيات

[بلدينا]

جواب الخزنة هو:


سؤال الخزنة هو:
يقولك الزول ده (مكوفر)أو(متكوفر)
ما المقصود بهذه الكلمة؟؟؟؟(كوفر)


الزول المكوفر .. يعني العندو نفاخ .. في بطنو!

وسؤال الخزنة .. شنو يعني القاطوع؟؟

[زحل]

سلام يا بلدينا...
الروبنات :هي عبارة عن تلاتة عصايات تعلق فيها قربة الماء

[بلدينا]

سلام يا بلدينا...
الروبنات :هي عبارة عن تلاتة عصايات تعلق فيها قربة الماء


يا زحل ..

أنا سألت من القاطوع ..
ما تزوغى.. :jumb:

[زحل]

القاطوع :عبارة عن غرفة صغيرة وضيقة بابا من كشر تخزن فيه الاغراض
............................
شاطرة ..مش كده؟؟

[بلدينا]

القاطوع :عبارة عن غرفة صغيرة وضيقة بابا من كشر تخزن فيه الاغراض
............................
شاطرة ..مش كده؟؟

لا حولا .. والله ماقصرتي ..:rolleyes::rolleyes:

طيب شنو يعني "جابن":read:

[زحل]

جواب الخزنة: [[جابن]] معناها طافن او جالن..

[بلدينا]

جواب الخزنة: [[جابن]] معناها طافن او جالن..

لا .. لا يا زحل .. جابن بتاعت حوض الزراعة ..

في مقسوم لي المقدر قال الشاعر:

جابن حوضو وما خلاهو سدر ..وازن الموية ما تفوت المقدر

[زحل]

طيب اول حاجة ما تقول لي ده [[فعل امر] عشان اعرفو ..

جابن:اوزن او أعدل
.........................
والله بالجد فكرتك حلوة ..ونحن في انتظار المزيد

[زحل]

ايوااااااااااااااا عرفتها

جابن:يعني رفع و سند الاطراف

[بلدينا]

ايوااااااااااااااا عرفتها

جابن:يعني رفع و سند الاطراف


صحيح .. يجابن الحوض برضو يعني يعدلو .. بالطوريي يخليهو متساوي تمام عشان الموية تمشي فيهو تمام

سؤال الخزنة
ما هو الدحلوب

[زحل]

الدحلوب:من فصيلة الازيار..لكن واسع جدا من فوق ....يبردوا فيه الموية او يكرو فيه عجين الحلو مر

[ِِأنسام حنين]

انا دخلت فضوليا لأرى هذا الجانب من مواضيعكم وأستفيد لربما شاركتكم فى شئ ولكن وجدته مخصص لكم فقط يا أهل السودان الطيبين فقلت فى نفسى لربما وأقول ربما تغيرون قليلا
أسلوبكم هذا، مرة تدخلون مواضيع تخصكم وبلهجتكم فهو منتداكم فى الدرجة الأولى، ومرة تضعون مواضيع عامة وباللغة العربية تخص المنطقة العربية ككل حتى تشارككم فى المعلومات .
واتمنى منكم أيضا أن تكتبوا عن بلادكم وعاداتكم وتقاليدكم حتى نتعرف عليكم أكثر فى هذا المنتدى الجميل"مروى" وأيضا بالمثل لكل واحد من الأعضاء المشتركين إذا أردتم ذلك طبعا.
أستسمحكم ولا تغضبوا منى أرجوكم فأنا لم أقصد ان أجرحكم وإذا فعلت فقولوها لى وبصراحة تامة وأشكركم ودمتم طيبين إن شاء الله بالتوفيق والنجاح المستمر.

[بلدينا]

انا دخلت فضوليا لأرى هذا الجانب من مواضيعكم وأستفيد لربما شاركتكم فى شئ ولكن وجدته مخصص لكم فقط يا أهل السودان الطيبين فقلت فى نفسى لربما وأقول ربما تغيرون قليلا
أسلوبكم هذا، مرة تدخلون مواضيع تخصكم وبلهجتكم فهو منتداكم فى الدرجة الأولى، ومرة تضعون مواضيع عامة وباللغة العربية تخص المنطقة العربية ككل حتى تشارككم فى المعلومات .
واتمنى منكم أيضا أن تكتبوا عن بلادكم وعاداتكم وتقاليدكم حتى نتعرف عليكم أكثر فى هذا المنتدى الجميل"مروى" وأيضا بالمثل لكل واحد من الأعضاء المشتركين إذا أردتم ذلك طبعا.
أستسمحكم ولا تغضبوا منى أرجوكم فأنا لم أقصد ان أجرحكم وإذا فعلت فقولوها لى وبصراحة تامة وأشكركم ودمتم طيبين إن شاء الله بالتوفيق والنجاح المستمر.


أخت أنسام .. جزاك الله خير على المرور ..
نحن نتمنى مشاركتك في هذه الخزنة .. المعلوماتية .. وهي مفتوحة للجميع ليضع كل من لديه من معلومات على طريقة الخزنة ..
وهذه الكلمات والأسئلة المذكورة من عادات وتقاليد بلادنا هي أيضاً لتعريف الآخرين بما لدينا .. كما أننا نسعى لنعرف ما لدى الآخرين..
نحن سنغضب منك .. إن لم تشاركي لثري هذا البوست بما لديك من معلومات .. وطالما كانت بلغة الضاد .. ستعم الفائدة .. وتتوسع دائرة المعلومات التي نسعى لها ..
شكراً لك مرات .. ومرات على مرورك .. وبارك الله فيك..

[ِِأنسام حنين]

جزاك الله كل خير على ردك الصريح ..وسأفعل ما بوسعى إن شاء الله ...من زمن بعيد قرأت معى فى المدرسة أيام الأبتدائى طالبة من السودان وكنت أحبها جدا وكانت صديقتى المفضلة وبعدها سافرت ولم أسمع عنها شيئا من يومها...أتمنى لها الصحة والعافية أينما كانت ..!:loveIt:
شاكرة لكم..

[بلدينا]

الدحلوب:من فصيلة الازيار..لكن واسع جدا من فوق ....يبردوا فيه الموية او يكرو فيه عجين الحلو مر

يديكي العافية يا زحل ..

طيب الكواريقة؟؟

[زحل]

الكوريقة:صفقة الشجر اليابسي

[بلدينا]

الكوريقة:صفقة الشجر اليابسي

صفقة "الشجر" اليابسييييي؟؟؟ :takecare:

إنتي يبقا لي قاصدي الكاويق!!

[زحل]

ايوة والله داك الكاويق
اذن الكواريقة :معناها العضم..المهم معناها شي يابس
لانه ود اليوني في غنيته بيقول:
يبست بقيت كواريقة
مش كده؟؟

[زحل]

ايووووووووووا

الكواريقة:قشرة القصبة..ده جواب نهائي

[بلدينا]

ايووووووووووا

الكواريقة:قشرة القصبة..ده جواب نهائي

إنتي اليظهر عليكي شايقة قشرة ....:D:jumb:

الكوريقة .. القصبة الناشفة .. ( من ..ساق نبتة الذرة )يسووها الولاد مزمار ..

وسؤال الخزنة ..
ما هي الدونكا؟؟

[زحل]

والله بالغت عدييييييييييييل معقول ما اعرف الد ونكا؟؟

الدونكا:التكل

كان تلقى قاعد فوق ككر
في الدونكا لسع ما فطر
........................
التحية للشاعر حميد

[زحل]

صباح الخير..وينك يا بلدينا ؟؟مفتاح الخزنة ضاع منك واللا شنو؟؟

[بلدينا]

صباح الخير..وينك يا بلدينا ؟؟مفتاح الخزنة ضاع منك واللا شنو؟؟


آآآزحل .. لا والله شفتك مزرزرة إبن زرارة .. قلت اللاشوف آخرتا شنو..

تعرفي المقد؟؟

[زحل]

آآآآآآآآآآآآآآآآآآاي بعرفو

المقد:الشمام والبميخ وماشابهها

اسع ما قلت لي الدونكا دي صاح واللا لا

[مصطفى مروي]

بلدينا الدونكا تقريبا الصهريج وكانوا بقول ليه الدونكى
ومفتاح الخزنه مامعنى الاسبتاليه / النمليه / الطبليه

[بلدينا]

آآآآآآآآآآآآآآآآآآاي بعرفو

المقد:الشمام والبميخ وماشابهها

اسع ما قلت لي الدونكا دي صاح واللا لا


أييي الدونكا يا هو التكل .. بس على شرط يكون فيهو دوكي
أما المقد دا .. لسه حاولي مرة أخرى

لكن من ناحية إنو شئ قاعد يزرعوه .. صاح
بس ما هو الشمام ولاهو البطيخ .. لكن هو عندو مواعيد زراعة معينة .. لازم تعرفيها..

ما سمعتي ..
إن قلت المقد ما جابولو مدين
والعيشريف مبوص ما مرق هين ..
أصلو لا تمراً مرق ولانا سايقين ..
أنا طلبتك بالله رسل لي جنيهين ..

[زحل]

ايوااااااااااااا
اذن المقد :القمح او الذرة او الدخن

[بلدينا]

بلدينا الدونكا تقريبا الصهريج وكانوا بقول ليه الدونكى
ومفتاح الخزنه مامعنى الاسبتاليه / النمليه / الطبليه

يا مصطفى الأرض بتتكلم شايقي..:loll:
الدونكي دي دحين حقتنا؟؟

أما الإسبتالية : المستشفى
النملية : دي القاعد يختو فيها العدي في المطبخ.
الطبلية .. يعني واحد يكون تاجر صغيروني .. قاعد ليهو في مكان إستراتيجي وخاتي ليهو مثلاً سجاير والله لبان أو مناديل ورق .. وامشاط والكشاكيش بتاعت الولاد الدابن مولدين .. حاجات زي كدا يعني..

وسؤال الخزنة ..
شنو يعني الرقابة ؟؟ "رقابة بضم الراء "

[بلدينا]

ايوااااااااااااا
اذن المقد :القمح او الذرة او الدخن

أهو إنتي ختيتيلا إحتمالات .. يا الله إختاري
- القمح
- الذرة
- الدخن

[مصطفى مروي]

الطبليه يابلدينا خطا حاول مره واسهلها ليك وهى بيستعملوها المصرين حتى الان ونحن بالذات ناس الشماليه كانوا بيستعملوها زمان حاول تانى فيها
الرقابه بصراحه ماعرفتها ولكن ممكن حاجه ذى الطبل او ماشابه ذلك

[زحل]

صباح الورد يا بلدينا.....
الرقابة:المراية
..................
شفت الشطارة دي كيف؟؟

[زحل]

عاد يا ود مروي كان كدى انت شايقي تايوان ما دام ما عرفت الرقابة ولا عرفت الدونكا..

تحياتي

[بلدينا]

صباح الورد يا بلدينا.....
الرقابة:المراية
..................
شفت الشطارة دي كيف؟؟


صباحك نور آآآ زحل ..
لكن هي زاتها سموها الرقابة عشان شنو؟؟ يعني عشان الزول بيشوف رقبتو والله شنو؟؟ والله عشان الرقبة "العنق" يعني؟؟
....
طيب المقد .. شنو ؟؟؟

[مصطفى مروي]

يازحل ابو سن بقى يضحك على ابو سنينتين انت برضو ماكنتى عارفاهم وبلدينا بيغشش فيك ساكت
ورينى المنضضه يعنى شنو

[زحل]

المنضدة:معناها التربيزة..

طيب وروني شطارتكم انتو في الكلمات دي:

الدقل
السام
التقروقة.

[بلدينا]

المنضدة:معناها التربيزة..

طيب وروني شطارتكم انتو في الكلمات دي:

الدقل
السام
التقروقة.

الدقل .. غايتو أنا ما متأكد منو يبقى لي هو إسم لعدة أشياء .. قد يكون حاجة متعلقة باب الخشب "الكبد والكشر" وزمان لما كلنا نلعب الحصا .. في حاجة إسمها الضقل والضانقيل ..

أما السام .. فهي الحيطة
والتقروقة المصلاية المدورة يا تكون من السعف .. يا من جلد البقر ..

وسؤال الخزنة ..
شنو يعني التمر الروكة ..

[مصطفى مروي]

الدقل يعنى الخشبه البيكسروا فيها اللحمه يعنى نوع من جزع الشجره
اما التمر الروكه هو الذى به وراثه او ماشابه ذلك

[بلدينا]

الدقل يعنى الخشبه البيكسروا فيها اللحمه يعنى نوع من جزع الشجره
اما التمر الروكه هو الذى به وراثه او ماشابه ذلك


صباحك زين يا مصطفى ..

دحين الخشبة البكسروا فيها اللحمة دي مش التلكي؟؟

صحيح التمر الروكة هو التمر الورثة .. والذي لم يقسم بعد يذهب جميع الوارثين لحضور حصاده ثم يقسم محصوله حسب الشرع..

[بلدينا]

أييي الدونكا يا هو التكل .. بس على شرط يكون فيهو دوكي
أما المقد دا .. لسه حاولي مرة أخرى

لكن من ناحية إنو شئ قاعد يزرعوه .. صاح
بس ما هو الشمام ولاهو البطيخ .. لكن هو عندو مواعيد زراعة معينة .. لازم تعرفيها..

ما سمعتي ..
إن قلت المقد ما جابولو مدين
والعيشريف مبوص ما مرق هين ..
أصلو لا تمراً مرق ولانا سايقين ..
أنا طلبتك بالله رسل لي جنيهين ..

يا زحل صباحك كلو خير إن شاء الله ..

المقد هو الذرة .. ولكن يجب علينا أن نعرف أن زراعة الذرة عند أهلنا لها موسمين ..
أولاً الموسم العادي ويقال له الصيف .. وهو من شهر مايو ويحصد في شهر أغسطس.. ويروى بطرق الري التقليدية سواء كان من الساقية أو من الطلمبات.
ويقول الشاعر ..

يا نسمه .. الـســاقــى كـــيـــف..؟ جـدولــنــا كـــيـــف..؟ الـبــوغــه كـــيـــف..؟

يــــــا نــســمـــه .. ما شفتى المتر سايقنـو صيـف ..؟


أما المقد .. فهو الذرة الذي يزرع بعد نزول النهر مباشرة بعد الدميرة أو الفيضان .. في الجروف وتبدأ زراعته في أواخر سبتمبر ويحصد في نوفمبر .. ويزرع بالسلوكة ولا يروى حتى حصاده .. إذ يعتمد على ليونة الأرض التي نزل عنها النهر .. ويتميز بكبر حبة الذرة.

[زحل]

بلدينا ..سلااااااااااااااام وياسلام عليك والله انت كنز ذاخر

اشكرك على هذه المعلومة عن المقد والمتر وطريقة زراعتها....والله دي صراحة ما كنت عارفاها ..ما بعرف كيف فاتت علي

[بلدينا]

بلدينا ..سلااااااااااااااام وياسلام عليك والله انت كنز ذاخر

اشكرك على هذه المعلومة عن المقد والمتر وطريقة زراعتها....والله دي صراحة ما كنت عارفاها ..ما بعرف كيف فاتت علي


زحل .. أجمل الأيام هو اليوم الذي نتعلم فيه شئ جديد .. ولو كانت مثل هذه الأشياء الموغلة في المحلية ...

لك تحياتي ...

[مصطفى مروي]

زحل شاااااااااااااااااااااااطره حليتى المنضده لكن اجابتك غلط حاولى تانى
بلدينا الدقل جزء من الشجره وممكن تكسر فيه اى حبوباتنا بيقولوا لينا ياولد امشى جيب الدقل داك
السؤال : الهون: معناه شنو

[بلدينا]

زحل شاااااااااااااااااااااااطره حليتى المنضده لكن اجابتك غلط حاولى تانى
بلدينا الدقل جزء من الشجره وممكن تكسر فيه اى حبوباتنا بيقولوا لينا ياولد امشى جيب الدقل داك
السؤال : الهون: معناه شنو


الهون ... دا بتاع دق البهارات .. والتوم وعشان تدق لازم يكون عندك يد هون ..

طيب يا مصطفى ما دام دخلنا في التكل ..

العمرة يعني شنو ؟؟ "أنا ما قاصد عمرة الحج"

[مصطفى مروي]

الهون ... دا بتاع دق البهارات .. والتوم وعشان تدق لازم يكون عندك يد هون ..

طيب يا مصطفى ما دام دخلنا في التكل ..

العمرة يعني شنو ؟؟ "أنا ما قاصد عمرة الحج

العمره يابلدينا يعنى الطبق حبوباتنا يعوسوا ويرموا فيه الكسره ووووو
نطلع فوق شويه النعال يعنى شنو مش النعال السفنجه ووولا

[بلدينا]

العمره يابلدينا يعنى الطبق حبوباتنا يعوسوا ويرموا فيه الكسره ووووو
نطلع فوق شويه النعال يعنى شنو مش النعال السفنجه ووولا


إنت كدا طلعت على سقف البيت المعروش بالجريد وفوقو فرشة السعف أو النعال ...

طيب ما هو المقصود ب: الواطة العاولي؟؟؟

[مصطفى مروي]

بلدينا انت بتجيب الكلمات دى من وين الواطه العوالى يعنى الارض العاليه ومنخفضه

ورينى الشطاره يابلدينا اذكر محطات القطار من عطبره الى كريمه بالترتيب

[بلدينا]

بلدينا انت بتجيب الكلمات دى من وين الواطه العوالى يعنى الارض العاليه ومنخفضه

ورينى الشطاره يابلدينا اذكر محطات القطار من عطبره الى كريمه بالترتيب


صباح الخيرات .. يا مصطفى ..

يا اخي الواطة العاولي .. مش العوالي

والمحطات من عطبرة بالترتيب:
عطبرة – دارمالي- بربر – العبيدية – مبيريكة – الكربة – ندي- الشريك – أبوديس – أبوهشيم – دقش – أبو حمد- نمرة عشرة – محيسة – كحيلة – الكاب – الدغفلى – أبوحراز – أم غربان – أم رهو – الكاسنجر – كريمة.

[زحل]

سلام..بلدينا برافو عليك
الواطة العاولي:يعني قاعدي من السنة الفاتت .اي ماها جديدة

تحياتي

[بلدينا]

زحل كيفنك ..

آييييي .. يا ها القاعدي من عمن أول .. لكين عبارة ماها جديدي دي ..:takecare: .. غايتو .. بعدتك من الإجابة الصحيحة شوي كدي.. كدي حاولي تاني ..:rolleyes:


سلام..بلدينا برافو عليك
الواطة العاولي:يعني قاعدي من السنة الفاتت .اي ماها جديدة

تحياتي

[مصطفى مروي]

اخى بلدينا ماشاء الله بينى وبينك كنت شغال فى السكه حديد زمان
طيب ورينى الكاسجر يعنى شنو ولماذا اطلق عليها الكاسنجر

[بلدينا]

اخى بلدينا ماشاء الله بينى وبينك كنت شغال فى السكه حديد زمان
طيب ورينى الكاسجر يعنى شنو ولماذا اطلق عليها الكاسنجر

:loll::D:loll::D:loll::D
في الكاسنجر دمعي جرا
وفي اب غربان وصل خبرا
أبوحمد الحبيب زارا
وعليهو خلايقو تتجارا

والله يا مصطفى إن جيت للجد أنا لا أعرف لماذا سميت بالكاسنجر .. هذه أسماء جاءتنا من أعماق التاريخ .. رغم أننا في السودان وبالذات في الشمال اي إسم ما نعرف ليهو معنى نقوم نقول إنو أصلو نوبي .. وكلمة الكاسنجر لم تسلم من ذلك .. حيث يقوم الناس كالعادة بتفكيك الإسم مثلاً يقولون كاء تعني "بعيد" بالنوبية و"اسنجر" تعني المكان .. ومعناها مجتعة المكان البعيد .. ولكني عادة لا أركن إلى مثل هذه التأويلات .. وما بعيد بعد مائة سنة يجيك من يقول ليك هي أصلها كان "ماسنجر" وقلبت الميم لكاف .. وهكذا مجرد تأويلات لا يجزم احد بصحتها...

[مصطفى مروي]

بلدينا يا عزيزى اصل الكاسنجر هى الكاس ينجر وهذه حكايه طويله والاسم انخليزى الاصل من راوى الحكايه
والجماعه كانوا فى حفله تقريبا والباقى تموا لوحدك

[زحل]

بلدينا ..صباحك عافية

انا لسه ورا الواطة العاولي:يعني القاعدي من عمن اول بلا زراعة

تحياتي..

ما معنى :اللآرتيق؟؟

والآشميق؟؟

واللقدابة؟؟

[بلدينا]

بلدينا ..صباحك عافية

انا لسه ورا الواطة العاولي:يعني القاعدي من عمن اول بلا زراعة

تحياتي..

ما معنى :اللآرتيق؟؟

والآشميق؟؟

واللقدابة؟؟

الواطة العاولي .. يا ها ما ساقوها من عمن أول والجنبها مسيوقات ..

نجي للجديد ..
الآرتيق .. ضل الضحي
الأشميق .. من التمر .. يقلعوه ويجو يفتلو حبال يسوها كراب للعنقريب .. والله يربطوبا الغنم ..
اللقدابة .. الصالة نوع برندات البلد ديلك ..

طيب على وزن الآرتيق ..
سؤال الخزنة .. شنو يعني الأرنيق

[زحل]

الآرنيق:المرق الواصل بين الرض والسقف..يعني تلقى غازنو في نص الاوضة واللا الصالة كدعامة للمرق الفوق..والعجب ام بقى فيهو كعن بي هني وبي هني يعلقو فيهن الاكياس..ها ها

[مصطفى مروي]

بلدينا الفرق بين ملاح الكداد وملاح الويكاب وملاح الكول والتركين شنو ماتقول ديل اكلات شعبيه زحل ارجعى الى موضوع الدخول الى المنتدى وشوفى رد المدير قال شنو

[مناهل سيداحمد]

بصراحه كده الموضوع دا انا بره منو نحنا ناس المارتيديلا تعرفا يامصطفى والبيتزا فجانزا الاسلحه الكيماويا دي ماشايلنها معانا.. تحياتي

[بلدينا]

بلدينا الفرق بين ملاح الكداد وملاح الويكاب وملاح الكول والتركين شنو ماتقول ديل اكلات شعبيه زحل ارجعى الى موضوع الدخول الى المنتدى وشوفى رد المدير قال شنو

يا أخوانا دا منتدى وين هو ؟؟

يا مناهل ويا مصطفى يا اخوانا أنتو راسكم فوقكم؟؟
ما سمعتو بالتركين؟؟
الحمدلله الما قلت ليكم ملاح الكرارة :realangry::realangry::realangry:

[مصطفى مروي]

بلدينا يامافهمت السؤال او زقت الحبيب انت قايلنى من وين كمان كيفن مابعرف التركين ده ما الموضوع ارجع الى سوالى انا قلت الفرق بين الكول والكداد والتركين والويكاب والاجابه الانا خاتيها
1/ الكداد شايقى
2/ الكول من الغرب
3/ الويكاب من الجزيره
4/ التركين من الدناقله
وبعدين ده منتدى مروى نت انت قايلوا منتدى اولاد الرياض ولا شنو

[بلدينا]

بلدينا يامافهمت السؤال او زقت الحبيب انت قايلنى من وين كمان كيفن مابعرف التركين ده ما الموضوع ارجع الى سوالى انا قلت الفرق بين الكول والكداد والتركين والويكاب والاجابه الانا خاتيها
1/ الكداد شايقى
2/ الكول من الغرب
3/ الويكاب من الجزيره
4/ التركين من الدناقله
وبعدين ده منتدى مروى نت انت قايلوا منتدى اولاد الرياض ولا شنو

معليش يا مصطفى .. ظلمناك ..
وبعدين ملاح الويكاب .. دا حاجة غير ملاح الويكي بتاعنا؟؟

ثم خليك كول كدا ..:cool: .. وقول لينا ملاح الكول دا من شنو؟؟

[مصطفى مروي]

اخى العزيز بلدينا انا كول كامل ملاح الكول ماعرفتوا هذا الملاح لو قلتليك ريحتوا اعفن من التركين المعفن بتصدق والله العظيم طيلة ما انافى السودان ماسمعت به ولما اغتربنا وجدنا جميع جنسيات السودان اكلنا مهاهم اكلات ولا الواحد مايحلم بيها في الاحلام والكول ده عمرى مااكلتوا وعباره عن عشبه بيدفنوها فى الارض لما تخمر زى الزباله كده وبعدين ينشفوها ويدقوها ويضيفوا لها حاجات معفنه جدا ويعملوها مع ملاح التقليه اضافه يعنى وهو اكل ناس الغرب مع العصيده اذكر بعض الشباب قالوا ليه انت معزوم قلت ليهم انا العصيده ماباكلها عايزنى اكل الحاجات بتاعتكم دى قالوا ليه مش زى التركين بتاعكم
اما الويكاب فهى اكلت ناس الجزيره برضو مابتصدق لو قلت ليك عباره عن ملاح الويكه زايد حليب ويتاكل بالعصيده وبرضوا عمرى ماجربتوا هههههههههههههههههههه غرائب السودان
اكلات ولافى الاحلام مش ليها حق الاخت مناهل تقول مدرعات وبتاكل المرتديلا والنقانق

[مناهل سيداحمد]

انتو ياجماعا بتتكلمو انجليزي مالكم؟؟

[مصطفى مروي]

الاخت مناهل ده تراث ولازم تعرفيه ياناس الاسكريم وهذا واجبنا عشان ننور الجيل القادم الحاجات دى وبعدين ده مش انخليزى ده فارسى ههههههههههه
ومبروك للمريخ

[الوسالي]

المشكلة يا سليمان انه يتوجب على الجميع قراءة كل الردود لكي تتمكن من طرح سؤال جديد
لذلك ارجو ان تمهلوني الى ان اقرأ الموضوع بكاملة

[الوسالي]

انتو ياجماعا بتتكلمو انجليزي مالكم؟؟


يا اخوانا ,,,
مناهل دي شوفو ليها مترجم ,,,
البوست دا يا مناهل معمول من اجلكم ,,, عليك بالتركيز الشديد ولو طلعتي بي عشرة كلمات تفيدك

[مناهل سيداحمد]

انت يامصطفى باقي لي مااااااااااااااااااااك صغير!!!!!!

[مصطفى مروي]

نرجع ياجماعه الى اصل الموضوع وتراثنا الغنى بالمعرفه ومن خلال هذه النافذه نطرح بعضها
ونرجع مع بعض اللعبات ماهى لعبة الشليل 2/ لعبة عد عد 3/ ام الصلص 4/ الدسوسيه

[مناهل سيداحمد]

انا غايتو يامصطفى يبقى لي الاخيره دي عارفاهااا..

[بلدينا]

نرجع ياجماعه الى اصل الموضوع وتراثنا الغنى بالمعرفه ومن خلال هذه النافذه نطرح بعضها
ونرجع مع بعض اللعبات ماهى لعبة الشليل 2/ لعبة عد عد 3/ ام الصلص 4/ الدسوسيه


يا مصطفى شليل دي بتاعت شليل وينو .. أكلو الدودو وشليل وين راح اكلو التمساح ..
لعبة عد عد دي ما سمعت بيها .. ولا ام الصلص "يمكن ليها علاقة بالصلصة أو الطباخة"

اما الدسوسية .. يعني تشوف ليك مكان تندسا فيهو لحدي ما يلقوك "المصريين يقولو ليها الصغماية"

[مصطفى مروي]

مين عارف اخر يوم ياجماعه وبكره الحل

[زحل]

والله بلا شليل دي ماني عارفي شي ..الباقي كلو يطرشني ما سمعتبو

[مصطفى مروي]

الحل
شيليل/ عرفتوها لعبة العظم
عد عد/ وهى لعبة بنات واولاد يجمعوا العلب الفارقه وحجارة البطاريه والكراتين ويبداو فى بناء منازل من اسوار من الرمل وكل ولد يختار بنت ويجلسوا فى بيت وتبدا العبه اعطينى شوية سكر او شوية ملح وهكذا
الدسوسيه / نجرى ونختبى وواحد يفتش فى الباقين اذا لقاه يبدا اللعبه هو ويبدا رحلت التفتيش
ام الصلص/ وشايف الهنود يلعبوا حتى الان امس رايتهم يلعبونها وهى نجمع علب الصلصه الفارقه ونرصها فوق بعض ونقف من بعيد ونرميها بكرة الشراب وتبدا العبه وهم فريقين مكون من5لعيبه ونرمى الكره على العلب المرصوصه لرميها ونبدا الجرى والفريق الاخرى يقذف بالكره على الواحد اذا اصابوك انتخارج اللعبه الى ان تتم رص العلب الفارقه وهكذا ،،،،،،،،، انشاء الله يكون الشرح كافى واظن عندكم ليها اسامى ثانيه وطرق مختلفه ولكن تبقى الشروط هى هى :iconjump: والى اللقاء فى لعبات وترثيات اخرى

[ود الحرازي]

بعد رمي العظمة في لعبة ( شليل ) وعملية البحث عنها
تجئ معها بعض العبارات التي يرددها الفريق ....
شليل وينو ... أكلو الدودو ....
شليل وين راح ... أكلو التمساح
مودتي ،،،

[مصطفى مروي]

لعبات جديده
1/ اركى عاميه
2/ الثعلب
3/السيجه
4/ نط الكلب
5/حمى الديره
ورونا اللعبات دىوكلها لعبات تراثيه

[بلدينا]

لعبات جديده
1/ اركى عاميه
2/ الثعلب
3/السيجه
4/ نط الكلب
5/حمى الديره
ورونا اللعبات دىوكلها لعبات تراثيه

أركي عامية .. أول مرة أسمع بيها
الثعلب .. دي بتاعت الثعلب فات فات في ديلة سبع لفات .. دائرة من الأولاد ويدور واحد منهم خلف الدائرة ويضع منديل خلف أحدهم دون أن يراه ..
السيجة .. لعبة حفر تحفر في التراب .. مثل الشطرنج
نط الكلب .. أيضاً لعبة حفر مثل السيجة ولكن طريقتها مختلفة ..
حمي الديرة .. وهي أن تدور حول نفسك مثل ما يفعل دراويش الموالد .. ومن يقع آخر هو الفائز.

[مصطفى مروي]

معلومات كم يبلغ طريق ام درمان مروى بالكيلو متر خيارات 417،420،425،430

[Random]

بدون مقاطعة لدي سؤال عن معنى كلمة الدناع
التي وردت في هذا البوست
انقر هنا (http://www.merowe.net/forum/showthread.php?p=7343)

[بلدينا]

يقول محمد جيب الله كدكي في قصيدة الساقية:
"تَكِبْ فِي الدَرْوَة للجَدْوَلْ والأوَل هِنَاكْ يَسْرِِفْ
عَلِى البَنَدُورَة والبِرْسِيم والكَدَّادْ مع السَبَرُوقْ
للجَّارْ مِنْوُ كُلُو يَضُوقْ شِيتاً مَا بْيَرُوحْ مَسْروقْ
مِن زَرَعُوه للدَنَّاعْ وللعَشْمََّانْ وللسَرَّاقْ وكُلْ مَخَلُوقْ"


الدناع دا مش الزول المحروم .. أو المسكين ؟؟

بدون مقاطعة لدي سؤال عن معنى كلمة الدناع
التي وردت في هذا البوست
انقر هنا (http://www.merowe.net/forum/showthread.php?p=7343)

[Random]

يقول محمد جيب الله كدكي في قصيدة الساقية:
"تَكِبْ فِي الدَرْوَة للجَدْوَلْ والأوَل هِنَاكْ يَسْرِِفْ
عَلِى البَنَدُورَة والبِرْسِيم والكَدَّادْ مع السَبَرُوقْ
للجَّارْ مِنْوُ كُلُو يَضُوقْ شِيتاً مَا بْيَرُوحْ مَسْروقْ
مِن زَرَعُوه للدَنَّاعْ وللعَشْمََّانْ وللسَرَّاقْ وكُلْ مَخَلُوقْ"


الدناع دا مش الزول المحروم .. أو المسكين ؟؟


بلدينا
تحياتي الصادقة
http://www.merowe.net/forum/images/icons/palm.gif
الدناع دا مش الزول المحروم .. أو المسكين ؟؟

من السياق الذي وردت فيه عبر الفيديو
وخلال قصيدة كدكي الرائعة
يفهم منها انه المسكين
لكن اظن وردت كلمة المحتاج

[بلدينا]

بلدينا
تحياتي الصادقة
http://www.merowe.net/forum/images/icons/palm.gif

من السياق الذي وردت فيه عبر الفيديو
وخلال قصيدة كدكي الرائعة
يفهم منها انه المسكين
لكن اظن وردت كلمة المحتاج



راندوم لك التحايا العطرات ...

نعم أعتقد أنه المسكين ..
برضو مش في مثل قديم يقول .. "دناع ما بيدور دناع" ؟؟
اي أن الفقر إذا دخل بين إتنين .. تفرقو!

[مصطفى مروي]

انا بقول معنى الدناع الفقير