تكنو
23-04-2008, 09:50 AM
حبى أنا ليك كان زادى وكان جوة الحنايـا دفيـن
كتّ بضارى من الناس وخايفة عليهو مـن العيـن
عليهو أنا كت بصوم وأفطر عليهو بكابـد الناريـن
كت بحسب سنين الغربة لما تعـود تجينـى متيـن
وكت برجاك فوق النار لمـا وكـت لقانـا يحيـن
نونس فى براءة أطفال وفى الحب نروى ننهل زين
وكلما يوم يزيد البينـا لمـل بقينـا قـاب قوسيـن
اتارى أنا كت فيك مخدوعة وكم من زيى مخدوعين
ما قايلاك بتلعب بى تعيش اللحظـة بـس والحيـن
وما قايلاك حبيـب آلاف وقلبـك قبلـة للضاليـن
وما قايلاك بتنسى حبيب صبر راجيك ستـة سنيـن
وساهر كم ليالـى طـوال يتقلـب شمـال ويميـن
كيفن هان عليك تنساهو زولاً كـان عليـك حنيـن
وتشغـل بالـك الأشـواك لمّـن تزبـل الياسميـن
كت دايراك بسمة عريضة فى وجه الزمان الشيـن
وكت دايراك ساعة الحاجة تبقى لىّ دخرى خزيـن
كت دايراك مقنع حوبة وكتيـن المضـارى يبيـن
وكت دايراك فارس أحلام تشاركنـى ونتـم الديـن
وكت دايراك أمل بسّام يزيل ألـم البعـاد والبيـن
كت دايراك شريك الروح واخدمك حافيـة القدميـن
وكت بحلم بك إنت معاى مجرتق بالعديـل والزيـن
جنبك فى يمينك قاعدة نسمع فـى دقـر يـا عيـن
تبشر زين مع الأصحـاب وتتشبـل مـن الوزيـن
أنا الأبحرت راكبة الموجة أكيد مرسايا بين موجتين
وداعاً يا زمـن ظالـم وبالأفـرح علـىّ ضنيـن
وداعـاً يـا قلـب قاسـى لا بيحـن ولا بيلـيـن
وداعاً يا سراب خداع محال مابيـروى عطشانيـن
وداعا يا كلام معسـول حـدو ومكمنـو الشفتيـن
وداعاً يا سحابة صيف شايلى مطر ضليـلا رهيـن
تبشر بى خريف جايينا ياما النّاس رجوهو سنيـن
كل زولاً يفكـر فيهـا مـا معروفـة تنـزل ويـن
وألف سلام عليك ياقلبى المسالم وديمة طبعو حنيـن
يتاورو الشوق ويلعب بيهو تنحر فى حشا السكيـن
تعاودو الذكرى تنتر جوا حالـو يحنـن المسكيـن
أخيراً منى ليك سلام وقبل ماتجـف دمـوع العيـن
وقبال منّى ماتعـدى وقبـال الفـراق مـا يحيـن
بخيت وسعيد عليك ان شا الله يبقالك عمار وبنيـن
وقلبى أنا خلى فى أناتو بعدك يامـا راجـى أنيـن
ولو كان يا قلب حبيت بعـدو بعـد قسمـت يميـن
ما ينتمّ ليك مـراد لا تضـوق لا حلـو ولا زيـن
وتفضل طول حياتك تبكى طول عمرك تعيشو حزين
وعمرك ما تجيك سعـادة مـا تتهنـا قـول آميـن
وتانى الحب عليك حرمان ووعد الحر أمانة وديـن
كتّ بضارى من الناس وخايفة عليهو مـن العيـن
عليهو أنا كت بصوم وأفطر عليهو بكابـد الناريـن
كت بحسب سنين الغربة لما تعـود تجينـى متيـن
وكت برجاك فوق النار لمـا وكـت لقانـا يحيـن
نونس فى براءة أطفال وفى الحب نروى ننهل زين
وكلما يوم يزيد البينـا لمـل بقينـا قـاب قوسيـن
اتارى أنا كت فيك مخدوعة وكم من زيى مخدوعين
ما قايلاك بتلعب بى تعيش اللحظـة بـس والحيـن
وما قايلاك حبيـب آلاف وقلبـك قبلـة للضاليـن
وما قايلاك بتنسى حبيب صبر راجيك ستـة سنيـن
وساهر كم ليالـى طـوال يتقلـب شمـال ويميـن
كيفن هان عليك تنساهو زولاً كـان عليـك حنيـن
وتشغـل بالـك الأشـواك لمّـن تزبـل الياسميـن
كت دايراك بسمة عريضة فى وجه الزمان الشيـن
وكت دايراك ساعة الحاجة تبقى لىّ دخرى خزيـن
كت دايراك مقنع حوبة وكتيـن المضـارى يبيـن
وكت دايراك فارس أحلام تشاركنـى ونتـم الديـن
وكت دايراك أمل بسّام يزيل ألـم البعـاد والبيـن
كت دايراك شريك الروح واخدمك حافيـة القدميـن
وكت بحلم بك إنت معاى مجرتق بالعديـل والزيـن
جنبك فى يمينك قاعدة نسمع فـى دقـر يـا عيـن
تبشر زين مع الأصحـاب وتتشبـل مـن الوزيـن
أنا الأبحرت راكبة الموجة أكيد مرسايا بين موجتين
وداعاً يا زمـن ظالـم وبالأفـرح علـىّ ضنيـن
وداعـاً يـا قلـب قاسـى لا بيحـن ولا بيلـيـن
وداعاً يا سراب خداع محال مابيـروى عطشانيـن
وداعا يا كلام معسـول حـدو ومكمنـو الشفتيـن
وداعاً يا سحابة صيف شايلى مطر ضليـلا رهيـن
تبشر بى خريف جايينا ياما النّاس رجوهو سنيـن
كل زولاً يفكـر فيهـا مـا معروفـة تنـزل ويـن
وألف سلام عليك ياقلبى المسالم وديمة طبعو حنيـن
يتاورو الشوق ويلعب بيهو تنحر فى حشا السكيـن
تعاودو الذكرى تنتر جوا حالـو يحنـن المسكيـن
أخيراً منى ليك سلام وقبل ماتجـف دمـوع العيـن
وقبال منّى ماتعـدى وقبـال الفـراق مـا يحيـن
بخيت وسعيد عليك ان شا الله يبقالك عمار وبنيـن
وقلبى أنا خلى فى أناتو بعدك يامـا راجـى أنيـن
ولو كان يا قلب حبيت بعـدو بعـد قسمـت يميـن
ما ينتمّ ليك مـراد لا تضـوق لا حلـو ولا زيـن
وتفضل طول حياتك تبكى طول عمرك تعيشو حزين
وعمرك ما تجيك سعـادة مـا تتهنـا قـول آميـن
وتانى الحب عليك حرمان ووعد الحر أمانة وديـن