Random
31-10-2008, 08:19 AM
------------------------------------------------------------
حامد قنابل من اسمه كده في الحلة
زول فيهو صفتين ما بقدر اقول عليهن
كعبات لاتصافه الشديد بالمرح وخفة الظل ونقاء سريرته
وعندي شخصيا بتغفر ليهو اي حاجة
الصفة الاولى زول كضاب كضب زيو مافي
ومن هنا جاء اسمو في الحلة
حامد قنابل
لانو بيزنها ويجيب ضقلها يولول
والساعة اليمغت الكضبة ويفكها لما راسك يسخن
ولا بيتلفت ليها
وبتاع مبالغات درجة اولى
والصفة التانية
زول نكير وفي ناس بيسموه حامد نكير
من وين كده وعلى وين ياراندوم
ده اول ما يقابلك
ويحقق معاك ساعة لغاية ما يلقى
واحد تاني يمشي يشبك فيهو
------------------------
صديق لدي كلم اخوه الصغير
قالليهو امشي نادي لينا حامد قنابل
الشافع مشى جنب البيت لقى ابوه
قاعد في كرسي جنب الباب
ياعم قنابل
عم قنابل
يا عم قنابل
انت ما سامعني ولا شنو
عليك الله دايرين حامد
-------------------------
جزيرة شنو ورهد شنو الفيها الزراعة
والله وتالله الزراعة دي يا كاجو كاجي
يابلاش ياخي في كاجو كاجي
تزرع البذرة في الواطة كده
لو ما تزح وشك سريع
والله والله القندول يجي مارق من الواطة
يتش ليك عينك
كاجو كاجي يازول انت بتلعب
--------------------------------
ارضة شنو العندكم في دنقلا
قال الارضة يمين بالله
وما طالبني حليفة كاجو كاجي
فيها ارضة عجيبة
ياخي انا نايم اسمع ليك
وزوزوزوزوز
اعاين للواطة القى ليك
الارضة شغالة في المركوب بتاعي
دقيقتين بس
لقيت ليك المسامير بتاعت المركوب
مغزوزة في الواطة
كاجو كاجي انت بتلعب ولا شنو
------------------------------
يازول كدايس بورسودان شنو وسواكن منو
ما تسمع الكلام ده ساكت
كاجو كاجي دي في كديس
آمنا بالله
لا حول الله
دي كدايس ولا نمور
شنب الكديس يجي داخل الاوضة
بعد نص ساعة الكديس يجي خاشي
وبتتكلم عديييييل كده
انا سامعها الليل كله
بتنادي في زملانا في العنبر
ياداوووووووود
داوووووووود
شرف
شرف
يا شرف
تقولي سواكن برضو
كاجو كاجي يا ابو الشباب
-----------------------------
قلق شنو وسهرمنو الجاك امبارح
انت شفت سهر ولا ارق
يا خي انا في كاجو كاجي مسكني ارق
شربت صفيحتين مريسة
باغة عرقي
قندولين بنقو
برضو ما قدرت انوم
؟تعمل شنو ياحامد
؟تعمل شنو ياحامد
مشيت جنب الحيطة رفعت لي حجار
تل
تل
تل
اخدت لي كم لدغة من العقارب
تحت الحجار
يادوب حتى قدرت اغمض
----------------------------
باعوضة منو وعشة وكر شنو وكروكرو منو
؟ ديل عندهم عرقي ديل ؟
يمين بالله في كاجو كاجي
مافي طريقة تشرب العرقي الا تبوز
وتسد القزازة باصبعك
لانو لو كبيتو في كباية
زي الكبيت بفبفاف
ولانقطة ما تلقاها
يا زول ريحتك ساكت هناك
تعمل ليها قعدتين هنا
تقول لي
حوا كروكرو برضو عرقيها دي في كاجو كاجي
بنكسر بيهو
---------------------------------------------
حامد قنابل من اسمه كده في الحلة
زول فيهو صفتين ما بقدر اقول عليهن
كعبات لاتصافه الشديد بالمرح وخفة الظل ونقاء سريرته
وعندي شخصيا بتغفر ليهو اي حاجة
الصفة الاولى زول كضاب كضب زيو مافي
ومن هنا جاء اسمو في الحلة
حامد قنابل
لانو بيزنها ويجيب ضقلها يولول
والساعة اليمغت الكضبة ويفكها لما راسك يسخن
ولا بيتلفت ليها
وبتاع مبالغات درجة اولى
والصفة التانية
زول نكير وفي ناس بيسموه حامد نكير
من وين كده وعلى وين ياراندوم
ده اول ما يقابلك
ويحقق معاك ساعة لغاية ما يلقى
واحد تاني يمشي يشبك فيهو
------------------------
صديق لدي كلم اخوه الصغير
قالليهو امشي نادي لينا حامد قنابل
الشافع مشى جنب البيت لقى ابوه
قاعد في كرسي جنب الباب
ياعم قنابل
عم قنابل
يا عم قنابل
انت ما سامعني ولا شنو
عليك الله دايرين حامد
-------------------------
جزيرة شنو ورهد شنو الفيها الزراعة
والله وتالله الزراعة دي يا كاجو كاجي
يابلاش ياخي في كاجو كاجي
تزرع البذرة في الواطة كده
لو ما تزح وشك سريع
والله والله القندول يجي مارق من الواطة
يتش ليك عينك
كاجو كاجي يازول انت بتلعب
--------------------------------
ارضة شنو العندكم في دنقلا
قال الارضة يمين بالله
وما طالبني حليفة كاجو كاجي
فيها ارضة عجيبة
ياخي انا نايم اسمع ليك
وزوزوزوزوز
اعاين للواطة القى ليك
الارضة شغالة في المركوب بتاعي
دقيقتين بس
لقيت ليك المسامير بتاعت المركوب
مغزوزة في الواطة
كاجو كاجي انت بتلعب ولا شنو
------------------------------
يازول كدايس بورسودان شنو وسواكن منو
ما تسمع الكلام ده ساكت
كاجو كاجي دي في كديس
آمنا بالله
لا حول الله
دي كدايس ولا نمور
شنب الكديس يجي داخل الاوضة
بعد نص ساعة الكديس يجي خاشي
وبتتكلم عديييييل كده
انا سامعها الليل كله
بتنادي في زملانا في العنبر
ياداوووووووود
داوووووووود
شرف
شرف
يا شرف
تقولي سواكن برضو
كاجو كاجي يا ابو الشباب
-----------------------------
قلق شنو وسهرمنو الجاك امبارح
انت شفت سهر ولا ارق
يا خي انا في كاجو كاجي مسكني ارق
شربت صفيحتين مريسة
باغة عرقي
قندولين بنقو
برضو ما قدرت انوم
؟تعمل شنو ياحامد
؟تعمل شنو ياحامد
مشيت جنب الحيطة رفعت لي حجار
تل
تل
تل
اخدت لي كم لدغة من العقارب
تحت الحجار
يادوب حتى قدرت اغمض
----------------------------
باعوضة منو وعشة وكر شنو وكروكرو منو
؟ ديل عندهم عرقي ديل ؟
يمين بالله في كاجو كاجي
مافي طريقة تشرب العرقي الا تبوز
وتسد القزازة باصبعك
لانو لو كبيتو في كباية
زي الكبيت بفبفاف
ولانقطة ما تلقاها
يا زول ريحتك ساكت هناك
تعمل ليها قعدتين هنا
تقول لي
حوا كروكرو برضو عرقيها دي في كاجو كاجي
بنكسر بيهو
---------------------------------------------