ود الحرازي
25-09-2008, 04:59 PM
ودوام الحال محال يا زول وكم لله عهـداً زاح
وكم ملكاً متوج عز ندب واتمنى مجدو الراح
وكم بلداً سمح بالحيل دندن لي ثمارو وماح
صبح يابس وغناهو عويل وردد يا كريم فتاح
عهود الصبـا المـاضي ... ونويـرات عمـرنا الساح
هداوة البال وريحة النال وحتى النيل صبح رحراح
وديك قرانا شوفوها حزينة كأنها تأوي لي أشباح
سكت قمريها ما غنى ... ولا بشّـر بالحبيب اللاح
وبعد الحال وقف يا زول جاتنا البشـرى فالنا صباح
قالوا السد وقف يا خي شوفوا الكبري ابداع صاح
وحتى الطير مع قمريهو ...انبسطوا وهديلن صاح
و بشّـروا بي صبـاح النور ... و وزّعـوا للأمـل أفراح
وخلوا الكل يقول يا ريت .. شوقاً الفينا يبقى جناح
نطوّف بالبلـد نسـرح فريق وفـريق وحلـي وساح
ونتجمّع هنـاك أخوان ... و من زخم الهمـوم نـرتاح
23/9/2008م
وكم ملكاً متوج عز ندب واتمنى مجدو الراح
وكم بلداً سمح بالحيل دندن لي ثمارو وماح
صبح يابس وغناهو عويل وردد يا كريم فتاح
عهود الصبـا المـاضي ... ونويـرات عمـرنا الساح
هداوة البال وريحة النال وحتى النيل صبح رحراح
وديك قرانا شوفوها حزينة كأنها تأوي لي أشباح
سكت قمريها ما غنى ... ولا بشّـر بالحبيب اللاح
وبعد الحال وقف يا زول جاتنا البشـرى فالنا صباح
قالوا السد وقف يا خي شوفوا الكبري ابداع صاح
وحتى الطير مع قمريهو ...انبسطوا وهديلن صاح
و بشّـروا بي صبـاح النور ... و وزّعـوا للأمـل أفراح
وخلوا الكل يقول يا ريت .. شوقاً الفينا يبقى جناح
نطوّف بالبلـد نسـرح فريق وفـريق وحلـي وساح
ونتجمّع هنـاك أخوان ... و من زخم الهمـوم نـرتاح
23/9/2008م