المساعد الشخصي الرقمي

مشاهدة النسخة كاملة : التجار اليوغنديون يجعلون من جنوب السودان سلة نفايات لمصانعهم

merowe
25-09-2008, 01:07 PM
جوبا:الصحافة (http://www.alsahafa.sd/News_view.aspx?id=55402)


ضبطت سلطات المواصفات والمقاييس بجنوب السودان أمس الأول، حوالي ثلاثة آلاف كرتونة من البسكويت الفاسد والمنتهي الصلاحية مستوردة من يوغندا

وحذر مجاك دينق، مدير فرع هيئة المواصفات والمقاييس بجنوب السودان في حديث لمريا اف ام من دخول مثل هذه السلع الفاسدة والمنتهية الصلاحية إلى الجنوب، مما يشكل خطراً على المواطنين، ودعا مجاك كل الجهات المختصة لمزيد من التعاون من اجل حماية المواطنين.
فصل الربيع
03-10-2008, 10:51 PM
خلاص يعنى يوغندا ياها الدول المتقدمه والمصدره ... من بتين ياحسين؟؟؟
الخرطوم دى غير مصانع البسكويت فيها شنو؟؟؟
لو واحد منها فتح خط انتاج في الجنوب بيكون وسع السوق الافقى ...
حتى لو ما عمل خط انتاج لانو ملاوز .... ممكن يعمل شبكه تسويق في الجنوب ويبدا على الاقل بمكتب توريد


شاعره ما متذكر اسمها واظنه الحاجه الفخرتاج قالت في شارع الظلط الجبان ما بيموت ...
وقالت الشجاع مابيموت ...
طيب يا حاجه الفخرتاج البيموت منو؟؟..
قالت يموت البيرازي ..."مع ايمانها بانه الزول بيموته يومه"
الجبان "قصدها الحذر ولم توفق في الصفه" يعاين تسعه كيلو يمين و تسعه كيلوشمال مافى عربات حتى يعدى
لو قعد لغايه بعدبكره ما بيعدى لو الشارع ما فضى مابعدى لو الشارع ابا يفضى بيرجع
والشجاع بسرعه في خطوتين يعدى الشارع وما بتجيهو حاجه
لكن البيرازي رجل قدام ورجل ورا ... خطوتين قدام ويقعد يتلفت ... تاف العربيه تتلافاهو
ونصيحتنا للتجار في الشمال والجنوب والكلام ده على حد قول الفخرتاج
يا اما يقتحمو الاسواق " يقتحموا تسويقيا بخطتين استراتيجيه وقصيره مدروسه مشتركه"
اى مصنع يعمل خط في الجنوب يا اما تسويق يا انتاج وتسويق
او الحل التاني يقطعوه ناشف مع بعض وكل زول يتطلب الله ويادار مادخلك الشر
اكتر رابط يوحد الناس هو السوق والمصالح المشتركه ...
والمثال المعروف السوق ا لاوروبيه المشتركه
منها جاء الاتحاد الاوروبى ومنها ستاتى الولايات المتحده الاوروبيه والعمله الموحده يورو والموازين والمقاييس المشتركه ....
مافي شى بيلمهم غير السوق والسوق فقط
ياريت لو رجال الاعمال الشماليين والجنوبيين يقعدوا مع بعض ويعملوا خطه التوسع الافقى
لانو ظاهر انه حكومه الجنوب بتسدد فى فواتير الحرب الغابره ليوغندا التي وقفت معاها وساندتها في بعض الاوقات ....
لكن التجار اليوغنديين ما صدقوا خبر ... بقو يسلكو بضاعتهم الفاسده في الجنوب
ودالزومة
05-10-2008, 09:03 PM
تحياتي لكم...

يافصل الربيع القصة ما كدا

القصة إنو الحركة الشعبية أسى حاكمة الجنوب وهي البتستورد وطبعاً سلفاكير (الكاوبوي الأمريكي) حالف ناس الشمال مايستفيدو من الجنوب بي شي لشنووووو؟؟؟؟

نجيك هنا باللغة العربية الفصحة زي مابقولوا

الحركة الشعبية بتعمل عمل دؤب من أبجل الفصل المبدئي بأن لايكون هناك إرطباط قوي بين الشمال والجنوب يجعل أمر الإنفصال صعب سواء بالجارة أو الصناعة أو أي مجال أخر لذلك تلجأ للدول المجاورة مع دعم أمريكي لتعزيز خيار الإنفصال ولكن نظراً لعدم وجود ذوي الخبرة ونظراً لأطماع موظفي حكومة الجنوب تخرج سياستهم عرجاء تجتر من خلفها الفشل الذريع



دام الجميع بود...
حزن السنين
05-11-2008, 09:29 AM
بركاتك يا نيفاشا

والقادم اسوأ