تعدد الزوجات فى نظر أستاذ رياضيات

[ود الشايقى]

لا يخفى على الجميع فوائد تعدد الزوجات فهو من أقوى دعائم المحافظة على العفة

ووسيلة من أعظم وســائل جلب الخيـر والبركات وكثرة الرزق وهذا لا يخفى على أهل الإيمان والمعرفة والتجـارب

وفي هذا الموضوع نتكلم بلغة الأرقام لتتضح الصورة اكثر

حسـاب الأرقام والرياضيات
عدد أيام السنة 365 يوم .
1- للمرأة 7 أيام من كل شـهـر خـارج الحياة الزوجية إذاً
7 × 12 = 84 يوم .
2- للمرأة 40 يوم فتره نقاهة ونفاس بعد الولادة .
3- للمرأة 15 يوم من السنة إجازة صيفيه عند أهلها للمتشـدد .
4- للمرأة 30 يوم من السنة سهرانة مع الأطفال رضاعه أو حرارة مرتفعه اختبارات واجبات منزليه .
5- للمرأة 30 يوم من السنة زعلانه من زوجها أو مريضه أو ما ليها خلق تكلم زول .
6- للمرأة 10 ايام من السنة منومه في المستشفى مع احد أطفالها .
مجموع الأيام : 84 + 40 + 15 + 30 + 30 + 10= 209يوم
إذاً عدد الأيام الزوجية : 365 - 209= 156 يوم
إذاً القدرة التشـغيلـية للمرأة : ( 156/365 ) × 100 = 42،7%


هذه الحسبة أخرجت منها المرأة العــــاملة لأنها سوف تؤثر على النسبة العامة للقدرة التشغيلية للمرأة, مع العلم أنة لا يصفو من هذه الأيام إلا الربع اللي عليهو الكلام ويفتح النفس .. صبر جميل والله المستعان .

نستنتج من هذه الحسبة البسيطة إن المرأة اكثر من نصف السنة خارج التغطيه الزوجيه (بره الشبكه)


(يعني زوج الواحدة عزابي اكثر من نصف حياته الزوجية)

وبالتالي يجب عليه تعويض هذا النقص بالمرأة الثانية حتى تصبح النسبة 100% ومطلوب من المرأة الثانية أكثر من 50% حتى تسد نقص الأولى وإذا قلت النسبة عن 100% للمرأتين يعوض النقص بالثالثة وهكذا.

المشكلة أنو مدرس الرياضيات هو اللي بيحسب ومدرس الدين هو البطبق النظريه!!!!

[ابوعبدالوهاب]

ود الشايقي السلام عليكم ورحمة الله وبركاته
درجنا نحن عادة على التنقيب عن الاسباب التي تدفع الرجل للزواج من ثانيه وثالثه
مع اننا لسنا في حاجه لذلك فالشريعه الربانيه تجيز للرجل الزواج ولا يشترط ان يكون هناك
سبب من المراه كالتقصير او خلافه الاصل في زواج الرجل التعدد والواحده هي الاستثناء
فقط سبب واحد يشترط للتعدد وهو (االعدل)

[وضاحة]

ود الشايقي السلام عليكم ورحمة الله وبركاته
درجنا نحن عادة على التنقيب عن الاسباب التي تدفع الرجل للزواج من ثانيه وثالثه
مع اننا لسنا في حاجه لذلك فالشريعه الربانيه تجيز للرجل الزواج ولا يشترط ان يكون هناك
سبب من المراه كالتقصير او خلافه الاصل في زواج الرجل التعدد والواحده هي الاستثناء
فقط سبب واحد يشترط للتعدد وهو (االعدل)
الفى البر عوام....

[ابوعبدالوهاب]

الفى البر عوام....

اتذكرت قصه حصلت في الجامعه عندي صاحبي في ركن من اركان النقاش الجامعيه في واحد قاليهو انت غبي
صاحبي قال ليهو انت مابتعرفني كويس انا في سنه اولى جيت الاول وفي تانيه جيت الاول وماسك الاول دي
لحدي تانيه متوسط في سنه تالته متوسط مرضتا ماجيت الامتحانات خلو الاول فاضي وكتبو التاني طوالي

انا عشان كلامك دا حا اخلي الاولى واعرس التانيه طوااااااااااااالي

[ام مزن]

1- للمرأة 7 أيام من كل شـهـر خـارج الحياة الزوجية إذاً
7 × 12 = 84 يوم .
اولا:اها المره التانيه كيف ما عندها 7 يوم
2- للمرأة 40 يوم فتره نقاهة ونفاس بعد الولادة .
ثانيا:المره الثانيه عاقر؟
3- للمرأة 15 يوم من السنة إجازة صيفيه عند أهلها للمتشـدد .
ثالثا:المره الثانيه لقيطه؟
4- للمرأة 30 يوم من السنة سهرانة مع الأطفال رضاعه أو حرارة مرتفعه اختبارات واجبات منزليه .
رابعا:الرد ورد سابقا
- للمرأة 10 ايام من السنة منومه في المستشفى مع احد أطفالها.
واخيرا :اها المره التانيه واطفالها مصفحين
هووووووووووووووووووى يارجال فتحو عيونكم""""""""""""""""

[ابوعبدالوهاب]

السلام عليكم
يام ام مزن
بعد كلام ربنا مافي كلام
لو عندكم كلام تطالبونا ب(العدل)
مبررات ود الشايقي انا من البدايه ماموافق عليها
التعدد سنه ومايشترط الاسباب الذكرا

هووووووووووووووووي ياحريم فتحو عيونكم ولا غمضوها مامشكله,,,,,,,,,,,,,,,,

[ود الشايقى]

شكراً أبو عبدالوهاب وأم مازن

تعدد الزوجات واجب !!!!
لأسباب عديدة ذكرتها
ويا أم مازن أنتى ما فهمتى كلامى
أنا عندى ثلاث زوجات والحمد لله ..
ومفكر الآن فى الرابعة وربنا يتمم على خير ومعزومين من حسع ..

[ِِأنسام حنين]

شكرا على النصائح ... و مبروك عليك مقدما ...
لا أريد الخوض فى التفاصيل و الشرح ..
كل واحد حر فى حياته ...و لا احد يفرض على الثانى شئ ...هذه أمور صعبة الدخول فى تفاصيلها مراعاة للشعور ..و أخاف ان اجرح أحد من غير قصد ..
و شكرا

[مصطفى مروي]

ود الشايقى الله يعينك نحن واحدة ماقادرين عليها الزمن ده رياضيات شنو وكيماء شنو الموضوع واضح فى الدين والقسمة والنصيب يزوجوك كتير ولكن هل اليومين ديل تسطيع ان تعدل بينهم ما اظن لان مشاكل الاولاد كثيرة ومشاكل النسوان كثيرة مالك ومال الهم خلينا على الواحدة والحمد للة ابو عبد الوهاب الظاهر انت وصاحبك بتنطوا الى الرابعة مباشرة

[ابوعبدالوهاب]

مصطفى مروي حمدلله على اطلالتك وتنوير المنتدى
غايتو الناس قعد تقول المابيعرس فوق مرتو معناتو مرتو هارشاهو وانا ماقاصد حاجه
وعلى خطى ود الشايقي سائرووووووووووووووون

[ام مزن]

يا ابو عبد الوهاب الحداث ما سواي.....غايتو انا أقوليكم اخير الموضوع ده تخلو ماخايفه منو....ااااااااااااااااااااي خايفهhttp://www.merowe.net/forum/images/icons/icon6.gifhttp://www.merowe.net/forum/images/icons/icon6.gif

[ابوعبدالوهاب]

والله يا ام مزن ماعارف بعدين البيحصل شنو
ان بقت المره هارشاني زي بعض الناس نكتفي بواحده
لكن انا بحاول من اول يوم اتبت شخصيتي واهرشا ليك عشان تخاف مني
ولي قدام لو عرستا ماتقدر تسالني ....(استراتيجيه بعيدة المدى)

[ام مزن]

والله ان داير نصيحتي شيل الكلام ده من راسك لااهسع ولا بعدين وابعد من ..........وغنيلو

[ام مزن]

ياأبو..... صاحب بالين كضاب وركاب سرجين وقاع والمركب الفيها ريسين بتغرق.الحاله دى اتنين ما بالك بتلاته واربعه

[ابوعبدالوهاب]

ما اجمل ان يقتني الانسان زهره حمراء
وما اجمل ان يقتني معها زهره صفراء
والاجمل ان تكون ثالثتهما زهره بيضاء
والرابعه زهره برتقاليه
دايرا تحرمينا من الزهور دي كلها مالك يابت الناس

[مصطفى مروي]

ابو عبد الوهاب الكلام ده كلوا بتاع عزاب لما تدخل الحياة الزوجية مع واحدة سمراء تجد كل ما كنت تفكر فية حسناء بيضاء وحمراء وصفراء احلام عزاب وبتقول الروب من واحدة واسال مجرب ههههههه ودائما الاحلام تكون وردية يا سيدى ولكن هل تتحقق العلم عند عالم الغيوب ولك ما تتمناة ابو عبد الوهاب واحسن ليك تسمع كلام ام مزن وبعدين تقول وتغنى يا ريت لترباس