Random
13-05-2010, 11:00 PM
كان ياما كان في سالف العصر والاوان
قالو كان في شيخ قاعد ليهو في مسيد يتعبد ومعروف عنه الصلاح والورع
سمع انو ناس القرية بدأوا يتبركو في شجرة حراز ان جاءها الخريف ما بتتحت
وبقوا العندو ضبيحة ولا سماية ولا طهور يمشي يضبح بهيمته تحت ضلها .
أها ,, الشيخ لمن سمع الكلام ده , عيونو حمرت , وراسو فار وزعل
وانتابته نوبة غضب هادرة وحمل فأسه واتجه ناحية الحرازة .
أها يا اولادي وهو ماشي على الحرازة يطلع ليهو منو ؟ ابليس الخسيس ,, ايوه ابليس زاتو .
ابليس : ماشي وين يا ابو الشيوخ ؟ شايل فأسك دي
الشيخ : زح من دربي قبال ما اشق ليك راسك بالفاس ده يا ملعون.
ابليس : تشق لي راسي انا يا جلكين ؟ تعال شوف القوانص دي عضلات تبش
تحرك الشيخ ناحية ابليس ولمسه بكف يده
فطار ابليس اربعين متراً للوراء من هول الضربة
ووقع على الارض وضرب حجر والدم يسيل من راسو ونخريهو .
ابليس عاين جاي وجاي وهو يحاول ان ينهض من الوقعة
وبدأ يحاور ويفاوض الشيخ .
ابليس : اسمع يا الشيخ خليني اسألك سؤال واحد ...الشجرة دي فارقه
معاك في شنو؟...خلليك من الكلام ده ....
والدنيا مفاهمة يا اقنعتني يا اقنعتك .
انت شكلك الليلة تعبان وفاسك ده ما سنين عشان يقطع ليك الشجرة
حتشرتمها ساكت لكن ما بتنقطع بفاسك الصغير ده .
عشان كده امشي سن الفاس وتعال بكرة .
الشيخ عاين للفاس كده وقلبو في يده , وعاين لابليس الخسيس .
وابليس ما اداهو فرصة يتكلم
قالليهو ...هاك المية دينار دي وتعال بكرة , وكلما اتأخرت يوم ...
بتصحى الصباح تلقى مية دينار تحت المخدة
الشيخ رجع المسيد , وفعلا
الصباح لما صحى من النوم
قلب المخدة لقى مية دينار قاعدة تحت المخدة
استمروا على الحكاية دي قريب اسبوع
وفي يوم صحى الصباح رفع المخدة ما لقى الدينارات
زعل وغضب وعيونو حمرت وراسو فار
وطوالي رفع الفأس ومشى على الشجرة .
قبل ما يصل الحرازة لاقاهو في الطريق ابليس وقال ليهو :
ابليس : على وين يا ابو الشيوخ ؟ من صباحاتو بيض .
الشيخ : انا الليلة شجرتك دي جايب ليها فاس يقطع الحجر
زح من طريقي قبل ما اقطع ليك راسك بيهو
ابليس : تعال اقطع لي راسي بيهو ...وريني بتقطعو كيف
الشيخ رفع الفاس لاعلى وضرب بيها ابليس في نص راسو
التقول ضرب ليهو حجر ما راس ...لغاية ما عمل شرارة
حاول يدفر ابليس من طريقه ...ما قدر زي البيلز ليهو في حيطة
الشيخ نفسو قام
رفع راسو لقى ابليس يضحك ويبتسم
ابليس قال ليهو يا ابو الشيوخ شكلك مستغرب ؟ المرة الفاتت لكزة صغيرة
كانت حاتطير طاقيتي وحسي تدفر من صبحت ما قادر تزحني صنتي .
غضبتك الاولى كانت لله فاعطاك من قوته
وغضبتك التانية كانت عشان الدينار فلن تنتصر بقوتك .
يللا يا وليداتي قومو اتغطو كويس ونومو ...تصبحو على خير
قالو كان في شيخ قاعد ليهو في مسيد يتعبد ومعروف عنه الصلاح والورع
سمع انو ناس القرية بدأوا يتبركو في شجرة حراز ان جاءها الخريف ما بتتحت
وبقوا العندو ضبيحة ولا سماية ولا طهور يمشي يضبح بهيمته تحت ضلها .
أها ,, الشيخ لمن سمع الكلام ده , عيونو حمرت , وراسو فار وزعل
وانتابته نوبة غضب هادرة وحمل فأسه واتجه ناحية الحرازة .
أها يا اولادي وهو ماشي على الحرازة يطلع ليهو منو ؟ ابليس الخسيس ,, ايوه ابليس زاتو .
ابليس : ماشي وين يا ابو الشيوخ ؟ شايل فأسك دي
الشيخ : زح من دربي قبال ما اشق ليك راسك بالفاس ده يا ملعون.
ابليس : تشق لي راسي انا يا جلكين ؟ تعال شوف القوانص دي عضلات تبش
تحرك الشيخ ناحية ابليس ولمسه بكف يده
فطار ابليس اربعين متراً للوراء من هول الضربة
ووقع على الارض وضرب حجر والدم يسيل من راسو ونخريهو .
ابليس عاين جاي وجاي وهو يحاول ان ينهض من الوقعة
وبدأ يحاور ويفاوض الشيخ .
ابليس : اسمع يا الشيخ خليني اسألك سؤال واحد ...الشجرة دي فارقه
معاك في شنو؟...خلليك من الكلام ده ....
والدنيا مفاهمة يا اقنعتني يا اقنعتك .
انت شكلك الليلة تعبان وفاسك ده ما سنين عشان يقطع ليك الشجرة
حتشرتمها ساكت لكن ما بتنقطع بفاسك الصغير ده .
عشان كده امشي سن الفاس وتعال بكرة .
الشيخ عاين للفاس كده وقلبو في يده , وعاين لابليس الخسيس .
وابليس ما اداهو فرصة يتكلم
قالليهو ...هاك المية دينار دي وتعال بكرة , وكلما اتأخرت يوم ...
بتصحى الصباح تلقى مية دينار تحت المخدة
الشيخ رجع المسيد , وفعلا
الصباح لما صحى من النوم
قلب المخدة لقى مية دينار قاعدة تحت المخدة
استمروا على الحكاية دي قريب اسبوع
وفي يوم صحى الصباح رفع المخدة ما لقى الدينارات
زعل وغضب وعيونو حمرت وراسو فار
وطوالي رفع الفأس ومشى على الشجرة .
قبل ما يصل الحرازة لاقاهو في الطريق ابليس وقال ليهو :
ابليس : على وين يا ابو الشيوخ ؟ من صباحاتو بيض .
الشيخ : انا الليلة شجرتك دي جايب ليها فاس يقطع الحجر
زح من طريقي قبل ما اقطع ليك راسك بيهو
ابليس : تعال اقطع لي راسي بيهو ...وريني بتقطعو كيف
الشيخ رفع الفاس لاعلى وضرب بيها ابليس في نص راسو
التقول ضرب ليهو حجر ما راس ...لغاية ما عمل شرارة
حاول يدفر ابليس من طريقه ...ما قدر زي البيلز ليهو في حيطة
الشيخ نفسو قام
رفع راسو لقى ابليس يضحك ويبتسم
ابليس قال ليهو يا ابو الشيوخ شكلك مستغرب ؟ المرة الفاتت لكزة صغيرة
كانت حاتطير طاقيتي وحسي تدفر من صبحت ما قادر تزحني صنتي .
غضبتك الاولى كانت لله فاعطاك من قوته
وغضبتك التانية كانت عشان الدينار فلن تنتصر بقوتك .
يللا يا وليداتي قومو اتغطو كويس ونومو ...تصبحو على خير