ود الحرازي
19-03-2008, 10:44 PM
وردنا في خبر عاجل بأن قناة هارموني ستبث حلقة ضمن حلقات عن التراث السوداني عن شاعرتنا الفذة المرحومة فاطمة بتد خير (مقاشي ) في مقبل الأيام .... والشاعرة غنية عن التعريف لدينا إلا أن الجميع تستهويه مثل هذه الحلقات التوثيقية التي تثري من المخزون التراثي المعرفي حول مبدعي منطقتنا بأسرها ... وسيكون ضيفاً في اللقاء الشاعر والفنان أيوب محمد الحاج والشاعرة ( جدته ) وهو الذي سلك طريقاً في الفن عبر أغاني الحقيبة على غير المتوقع ومع ذلك فهو ملحن وشاعر مطبوع لحن وتغنى له العديد من فناني الطمبور ومن تلك الاعمال اغنية «يا حليله» التى يؤديها الفنان صديق احمد واغنية «ما داير غيبتك» التى تغنى بها الراحل سيف الاراك واغنية «كانت هناك وقعدت هنا» لثنائى العمراب وغيرها ....
المهم سأوافيكم لاحقاً إن شاء الله بمواعيد بثها ريثما يتيسر لنا ذلك فترقبوه ...
مودتي ،،،
العباسي
28-03-2008, 09:49 PM
شكرا لك يا غالي على إضافتك الرائعة والآمعة
ننتظر جديدك
وبالتوفيق لنا ولك
سليمان القرير
21-04-2008, 12:07 AM
اعمل معروف يا ود الحرزاوي اليوم والمواعيد بالدقيقة.....
ونكون شاكرين ومقدرين,,,,,,,,,,,,,,,,,,,,,,,,,,,,,,,,,,
Random
16-06-2008, 05:34 AM
ود الحرازي
لك التحايا
ياريت تنورنا بآخر المستجدات بخصوص الحلقة , ولو اتحفتنا ببعض من اشعارها , تجد عندنا شغف بذلك ولك الشكر
ود الحرازي
17-06-2008, 09:24 AM
ود الحرازي
لك التحايا
ياريت تنورنا بآخر المستجدات بخصوص الحلقة , ولو اتحفتنا ببعض من اشعارها , تجد عندنا شغف بذلك ولك الشكر
شكرا ليك عزيزي راندوم ......
وبخصوص الحلقة فسوافيكم بمستجداتها قريبا إن شاء الله ... شكرا على الاهتمام .....
أما فيما يتعلق ببعض أشعارها فهاكموه :
( منقول )
هي الشاعرة المادحة الحاجة فاطمة محمد خير ولدت بمقاشي ونشأت بها وهي شقيقة السياسي والمحامي المعروف أحمد خير صاحب فكرة مؤتمر الخريجين التي مهدت الطريق للحركة السياسية الحديثة في السودان وكانت سبباً في ظهور حزبي الأشقاء والأمة ـ وقد تميز شعر الحاجة فاطمة بت ود خير بالعذوبة والرقة، وأشعارها معروفة ومشهورة.
رسلت السلام يقريك يالزين
السلام ليك وللمعاك فى الغرفة قاعدين
السلام من عين شمس لاحد فلسطين
عاد انا ما بوصفك آ صباحى بخاف من العين
من عين الخلوق وادعاك جبرين
انت بالعافى التخصك فى المصارين
تبقالك هدم سروال ونعلين
دايرى اشكيلو العزر صمد النمرتين
وانت آ سيد الجزيرى التكاكى وزين
يا سيد الشال تقيل فدع العراجين
انت في تالت سنين ما بدوك سبوعين
وما بترسل لى جواباً فيه سطرين
وماببتقول لى نعيم صباح أمو اشتغل وين
أنت ماك عارف قليباً لى مجينين
وماك عارف جواب الخبر يجينى وازيد لى شبرين
انبسط لى بساطى زايدى على القوانين
فولة من قبل الملمات مانا فايقين
منطبقات على تلاتة واثنين
وختى ربع جنيه وبعضاً ثلاثين
وقالوا ما بنقبل عذر قضونا فى الحين
أ كان لى المقد ماجابلو مدين
والعيشريف مبوص ما مرق هين
أصلوا لاتمراً مرق لانا سايقين
طلبتك بالله رسل لى جنيهين