قصيدة للفاتح ابراهيم بشير

[ايناس سكيني]

يا ريتو لو الشوق زى البريد بيطوف

أنا كنتا يا خلاي سويتو فى مظروف

سطرت بى دمي أجمل وأرق حروف

وعنوتو لى إنسان ملك السمع والشوف

زولاً بريدو شديد كان لى مسافة طوف

فى لجة الأحزان وكتين ملكنى الخوف

بهواهو يا خلاي ودغدغ هواهو الجوف

ما استغلا هواى مع إنى بيهو شغوف

علمنى كيف الريد نبنيهو طوف فوق طوف

ونتحدي للآلآم ونتجاوز أي ظروف

أصلو البريد يا ناس غير زولو ما بيشوف

لو جابو ليهو الحور قدامو ماشه صفوف

أريت وصالنا يدوم ما يبقى بينا عزوف

نوصل مراسى الريد بعد الشقى المردوف

أنا اصلى يا خلاي بين الخلوق معروف

زولا بريد الناس ودايماً قليبي شغوف

أنا نفسى أشيد دار بالريد دوام مسروف

لى كل زول مظلوم ردا الحبيب مكسوف

وأكتب على بابوا تعبير دوام مألوف

يا صاحبى لا تحزن فى الدنيا نحن ضيوف

[مصطفى مروي]

اصلو البريد ياناس غير زولو مابيشوف
كلام جميل للشاعر الفاتح ومشكوره الاخت ايناس على الاختيار الموفق وبصراحه قصيده فى غاية الروعه

[ايناس سكيني]

تسلم مصطفي

[الامبراطور]

الاخت ايناس
اشكرك على القصيدة الرائعة
والشاعر الفاتح من اجمل واروع الشعراء الذي استمعت اليهم وعرفتهم
كما اشكر اختيارك الموفق، فالقصيدة بحق رائعة ومعبرة
لك مني كل التحايا والود والتقدير

[ايناس سكيني]

تسلم يا امبراطور
وشكرا علي المرور...........اتحفتني

[الامبراطور]

يا ريتو لو الشوق زى البريد بيطوف

أنا كنتا يا خلاي سويتو فى مظروف

سطرت بى دمي أجمل وأرق حروف

وعنوتو لى إنسان ملك السمع والشوف

[ايناس سكيني]

حقا الفاتح من اروع واجمل الشعراء