محمد يوسف بدر
06-01-2010, 06:20 AM
الأخوة والأخوات هذه أولى مشاركاتى معكم وهى قصيدة فى حب الوطن كلمات زوجتى العزيزة الإعلامية الشاعرة أبنة المنطقة نفيسه أحمد على والقصيدة بعنوان أنا يا وطن بهواك وقد أهديت لفنان الطيف محمد كرم الله وتغنى بها فى النادى السودانى بأبوظبى فى إحتفالات أعياد الإستقلال خلال زيارته لنا.
أنــا يا وطـن بهـواك
كلمات الأستاذه الشاعره / نفيسه أحمد على
-------------------------------------------------
:sudanflag::sudanflag::sudanflag::sudanflag::sudan flag::sudanflag::sudanflag::sudanflag::sudanflag:: sudanflag:
أنا يا وطن بهواك
ملء السمع والعين
مهما رحلت بعيد
شادينى ليك حنين
أنا يا وطن بهواك
***
(ألفك) أمل ممدود
للقاسى قلبو يلين
(لامك) ليالى الحب
فى مقرن النيلين
(سينك) سنا الأيام
لمن ضياها يبين
(واوك) ورع ذهاد
جرو السبح ذاكرين
(دالك) درر غاليات
تستاهل الغالين
(ألفك) أنا السودان
ناسا سمر طيبين
(نونك) نعم جيناك
نعم الصباح الزين
أنا يا وطن بهواك
***
لمن يقولوا الفن
أذكر سرور وخليل
ولمن يجينا الليل
نحييه بالتهليل
ولمن يقولوا الشوق
نخل الموده يشيل
يرقص على الشطين
يعرف حكاوى الناس
ويسمع غنى العاشقين
وأنا يا وطن بهواك
***
جواى مساحات شوق
مزروعه بالأمال
إسمك تملى معاى
إنت البشّر والفال
قمر الدحى الضواى
يغزل خيوط اّمال
ينشّر فوق النيل
يكسبه نور وجمال
وأنا يا وطن بهواك
***
صهوة جواد الشوق
مسروجه بالأفراح
وعاتى القوافى يلين
فوق السطور يرتاح
ولمن يفيض النيل
فوق الرمال ينداح
تتعانق الكلمات
وتكسى القوافى وشاح
وأنا يا وطن بهواك
***
بهواك يا عملاق
أهديك معانى رقاق
تهزم ظلام الليل
توصل مع الإشراق
يا ملتقى النيلين
ياجامع الأعراق
وأنا ياوطن بهواك
ملء السمع والعين
***********
أنــا يا وطـن بهـواك
كلمات الأستاذه الشاعره / نفيسه أحمد على
-------------------------------------------------
:sudanflag::sudanflag::sudanflag::sudanflag::sudan flag::sudanflag::sudanflag::sudanflag::sudanflag:: sudanflag:
أنا يا وطن بهواك
ملء السمع والعين
مهما رحلت بعيد
شادينى ليك حنين
أنا يا وطن بهواك
***
(ألفك) أمل ممدود
للقاسى قلبو يلين
(لامك) ليالى الحب
فى مقرن النيلين
(سينك) سنا الأيام
لمن ضياها يبين
(واوك) ورع ذهاد
جرو السبح ذاكرين
(دالك) درر غاليات
تستاهل الغالين
(ألفك) أنا السودان
ناسا سمر طيبين
(نونك) نعم جيناك
نعم الصباح الزين
أنا يا وطن بهواك
***
لمن يقولوا الفن
أذكر سرور وخليل
ولمن يجينا الليل
نحييه بالتهليل
ولمن يقولوا الشوق
نخل الموده يشيل
يرقص على الشطين
يعرف حكاوى الناس
ويسمع غنى العاشقين
وأنا يا وطن بهواك
***
جواى مساحات شوق
مزروعه بالأمال
إسمك تملى معاى
إنت البشّر والفال
قمر الدحى الضواى
يغزل خيوط اّمال
ينشّر فوق النيل
يكسبه نور وجمال
وأنا يا وطن بهواك
***
صهوة جواد الشوق
مسروجه بالأفراح
وعاتى القوافى يلين
فوق السطور يرتاح
ولمن يفيض النيل
فوق الرمال ينداح
تتعانق الكلمات
وتكسى القوافى وشاح
وأنا يا وطن بهواك
***
بهواك يا عملاق
أهديك معانى رقاق
تهزم ظلام الليل
توصل مع الإشراق
يا ملتقى النيلين
ياجامع الأعراق
وأنا ياوطن بهواك
ملء السمع والعين
***********